POP 5

Lajmet më të lexuara të 5 minutave të fundit

Sport

E pritën si hero pasi fitoi medaljen në Europë, boksieri Zeneli: Historike! Meritoja të artën, por arbitri më penalizoi

17-vjeçari vlonjat Ariol Zeneli pak ditë më parë u shpall nënkampion i Europës në boks për të rinjë. Për ‘report Tv’ ai thotë se është shumë i lumtur për këtë arritje, ndërsa ka peng gjykimin në ndeshjen finale ku ai thotë se humbi me të padrejtë. Gjithsesi shumë shpejt synon t’i sjellë një tjetër medalje Shqipërisë.

Kjo pritje është e denjë për kampionët e mëdhenj të boksit. I tillë është edhe Ariol Zeneli, 17-vjeçari i cili në kampionatin Europianit për të rinj që përfundoi me 22 prill, u shpall nënkampion, duke fituar medaljen e argjendtë.

“Jam shumë i kënaqur, pasi është një rezultat shumë shumë i lartë. Është një nga rezultatet më të mëdhenj në Shqipëri. Kjo falë punës së përkushtuar,”-u shpreh Ariol Zeneli, boksier.

“U paraqit sportisti më i mirë në të gjithë Europianin. Boksieri më teknik dhe më luftarak i kompeticionit. Ky ishte një nder për kombin tonë,”-deklaroi Gëzim Zeneli, trajner boksi.

Si boksieri ashtu edhe trajneri e kanë një peng nga Europiani, pasi mendojnë se medalja e arit ishte e tyre.

“Nëse do kishte një gjykim të drejtë do isha shpallur kampion Europe, gjë që nuk ndodhi sepse jemi një shtet i vogël dhe nuk kemi shumë përkrahje. Gjithsesi edhe vendi i dytë është një arritje shumë e madhe për ne,”-tha Ariol Zeneli, boksier.

“U bë një padrejtësi jashtëzakonisht e madhe pasi ndeshja ishte 5-0 për Ariolin. Të gjithë specialistët nga bota që ishin aty e vlerësuan Ariolonin si një sportist të madh,”-u shpreh Gëzim Zeneli, trajner boksi.

Kjo situatë nuk e demoralizon aspak kampionin e vogël nga Vlora, i cili pretendon të tjerë tituj të mëdhenj shumë shpejt.

“Synimi i ardhshëm është në nëntor në kampionatin botëror që zhvillohet në Spanjë. Mendojmë dhe shpresojmë të marrim një medalje,”-deklaroi Ariol Zeneli, boksier.

Përveç titujve në garat ndërkombëtare Ariol Zeneli është edhe 5 herë kampion i vendit në kategorinë 51 kilogramë. Ai gjithashtu vjen nga një familje me traditë në këtë sport, pasi edhe dy vëllezërit e tjerë merren me boks.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

4 Nëntor, 22:51