Është pezulluar nga detyra mjekja e Urgjencës në Spitalin e Fierit, Ina Ruzhdija, e cila akuzohet për mjekim të pakujdesshëm. Mjekja Ruzhdija akuzohet se nuk ka vizituar, shtruar dhe mjekuar pacienten Xhuljeta Gjeka, 21 vjeçe, e cila për pasojë ndërroi jetë.
E reja u dërgua në spital në gjendje të rëndë shëndetësore dhe familjarët e saj insistuan për mjekim, për shkak se ajo kishte temperaturë të ulët, por mjekja nuk i ka dhënë ndihmë mjekësore, duke thënë se gjendja e saj ishte gripale dhe duke ju kërkuar familjarëve ta çonin në shtëpi. Por, gjendja e 21-vjeçares është përkeqësuar dhe ajo ka ndërruar jetë në ambientet e spitalit.
Njoftimi i plotë i gjykatës:
Me vendimin Nr. 925, datë 21.05.2018, Gjykata e Shkallës së Parë Fier ka pranuar kërkesën e Prokurorisë së Rrethit Gjyqësor Fier duke caktuar masën e sigurimit personal ndaluese “Pezullim i ushtrimit të një detyre a shërbimi publik” të parashikuar nga neni 240 pika 1 gërma “a” e K. Pr. Penale, në ngarkim të shtetases Ina Ruzhdija, me detyrë Mjeke Urgjence në Repartin e Urgjencës së Spitalit Rajonal Fier, e dyshuar për kryerjen e veprës penale të “Mjekimit të pakujdesshëm” të parashikuar nga neni 96/1 i K.Penal me pasojë vdekjen e të ndjerës Xhuljeta Gjeka e moshës 21 vjeç, banuese në fshatin Mujalli, Fier.
Pezullimi nga detyra i mjekes u vendos pasi Gjykata u njoh me faktet, provat dhe aktet e ekspertimit mjekoligjor të IML Tiranë të mbledhura në kuadër të procedimit penal datë 19.02.2018 të regjistruar nga Prokuroria e Rrethit Gjyqësor Fier.
Rezulton se, më datë 12.02.2018, mjekja roje e urgjencës Ina Ruzhdija nuk ka vizituar, shtruar dhe mjekuar pacienten Xhuljeta Gjeka, e cila është dërguar nga familjarët e saj në gjendje të rëndë shëndetsore në Repartin e Urgjencës së Spitalit Rajonal Fier. Pavarësisht insistimit të familjarëve për mjekimin e Xhuljetës pasi ajo kishte temperaturë të ulët, mjekja Ina Ruzhdija nuk i ka dhënë ndihmë mjekësore pacientes, duke u thënë familjarëve që ta merrnin në shtëpi pasi gjendja e saj ishte gripale.
Pasi është dërguar në banesë, gjendja shëndetesore e Xhuljetës është përkeqësuar brenda pak orësh, fakt që i ka detyruar familjarët e saj ta dërgonin përsëri në Spitalin Rajonal Fier, ku ajo ka humbur jetën në ambientet e këtij spitali. Nga ana e Prokurorisë Fier po vazhdojnë hetimet në lidhje me individualizimin e përgjegjësisë penale të stafit mjekësor pranë Spitalit Rajonal Fier.
Pilo Gjeka, gjyshi i 21 vjeçares nga Fieri që ndërroi jetë në spital fajëson spitalin për vdekjen e saj.
Gjyshi i Xhuljeta Gjekës, nga fshati Mujalli i Fierit ka kërkuar drejtësi deri në fund për përgjegjësit e mbesës, pasi mbesa e tij ndërroi jetë si shkak i pakujdesisë dhe mos gadishmërisë për të mos i dhënë ndihmën mjekësore të nevojshme.
Gjykata ka pezulluar mjeken Ina Ruzhdija, e cila akuzohet për mjekim të pakujdesshëm. Mjekja Ruzhdija akuzohet se nuk ka vizituar, shtruar dhe mjekuar pacienten Xhuljeta Gjeka, 21 vjeçe, e cila për pasojë ndërroi jetë.
21 vjeçarja Xhuljeta ndërroi jetë me 12 shkurt pasi është përcjellë nga mjekja e urgjencës në Spitalin Rajonal të Fierit duke i dhënë që nuk ka asgjë, dhe pas disa orësh pasi është dërguar në shtëpi ka ndërruar jetë.
Lajme të tjera
-
Pacientja ndërroi jetë, prokuroria e Fierit dërgon për gjykim mjekun e urgjencës së spitalit! Akuzohet për neglizhim në trajtimin mjekësor
15 Nëntor 2023, 15:07 -
Grip dhe viroza, urgjencat plot në Vlorë e Fier, mjeku: Dominojnë sëmundjet e rrugëve të frymëmarrjes
9 Janar 2023, 17:10 -
9 punonjës të një fabrike ulliri dërgohen në spitalin e Fierit! Policia: Dyshohet se janë helmuar nga parfumi i njërës prej tyre
8 Shtator 2022, 10:57 -
Po luante me bombolën e oksigjenit, humb jetën fëmija 2 vjeç në Fier
21 Gusht 2022, 13:56 -
Zjarr në katin e parë të spitalit të Fierit, merr flakë makineria e larjes së grafive! Pacientët zhvendosen te spitali 'Memorial'
6 Korrik 2022, 10:18 -
Pas festave fëmijët në urgjencë me COVID-19 dhe virozë, pediatrja në Fier: 110 vizita në ditë, shkak grumbullimet
5 Janar 2022, 18:30
-
E rëndë, 10-vjeçarja sulmohet nga qeni në Fier, dërgohet me urgjencë në spital
3 Janar 2022, 18:09 -
Spitali memorial i Fierit 100 operacione me sukses në 3 muaj! Pacientja: Falë doktorit jam gjallë
21 Gusht 2021, 15:46 -
Shërbime të reja në Spitalin Memorial Fier, Manastirliu: Hapet Njësia e Hemodinamikës për ndërhyrjet në zemër dhe ato neurologjike
27 Korrik 2021, 17:42 -
Pickimet nga merimangat, mjeku: Më të rrezikshme se gjarpërinjtë! 15 raste gjithsej në spitalin e Fierit
9 Korrik 2021, 13:24 -
Manastirliu publikon fotot nga Spitali Memorial i Fierit: Nën drejtimin e profesorit turk, kryhet me sukses ndërhyrja e vështirë në mëlçi
7 Korrik 2021, 22:00 -
Manastirliu në Spitalin e Fierit: Plotësohen me mamografi të gjitha spitalet rajonale, deri në fund të korrikut me laboratorë të rinj
6 Korrik 2021, 11:24
