Një ngjarje e rëndë ndodhi në Kalithea të Greqisë, ku një vajzë 2-vjeçare ra në shatërvan.

Vajza ndodhej me prindërit e saj shqiptarë në sheshin 'Qipro', kur në një moment ajo i shpëtoi vëmendjes së tyre dhe u gjet në rrethana të paqarta brenda shatërvanit.

Prindërit e fëmijës ishin në një kafene aty pranë me një grup të madh njerëzish. Në një moment, ata vunë re se fëmija nuk ishte në karrigen ku ishte ulur.

Ata e kërkuan fëmijën dhe babai e gjeti me fytyrë poshtë në shatërvan.

Mjekët luftuan për 40 minuta për ta mbajtur në jetë. Fëmija u intubua menjëherë, por gjendja e saj konsiderohet serioze.

Mjekët e vlerësuan moshën e fëmijës si 2 vjeç, teksa prindërit kishin thënë se vajza është 5 vjeç.

Prindërit e fëmijës, babai 26-vjeçar dhe nëna 23-vjeçare, të cilët janë arrestuar dhe ndaluar në Departamentin e Hetimit Penal në Kallithea, me akuzën e neglizhencës ndaj një të mituri, pritet të dalin sot para prokurorit.

Rendit zhvillimet sipas orarit:
Ora 21:19
‘Gënjeva që isha mjek se doja ta shpëtoja’, rrëfehet ‘heroi’ i 2-vjeçares shqiptare që ra në shatërvan: Po i dilte lëng nga goja, prindërit e saj ma rrëmbyen nga duart

Detaje të reja kanë dalë në pah në lidhje me ngjarjen e rëndë e ndodhur në Greqi ku një 2-vjeçare shqiptare, rrëshqiti dhe ra në shatërvan.

Në një prononcim për mediat vendase, personi që i dha ndihmën e parë vogëlushes, një punëtor restoranti i cili gënjeu se ishte mjek vetëm që ta lejonin për të shpëtuar të voglën, ka rrëfyer  momentet dramatike të ngjarjes.

Në fjalën e tij i riu thekson se kur pa një grumbull njerëz duke u bashkuar papritmas të gjithë në një vend, mendoi se ishte një çast gëzimi. Por kur u afrua iu riu u përball me të bërtitura dhe ankthin e të pranishmëve sepse një vajzë e vogël ishte në gjendje të rëndë shëndetësore.

Kështu, i riu vendosi që të merrte situatën në kontroll dhe ndërhyri duke i bërë frymëmarrjen fëmijës.

Në atë moment ai tregon se vajza dha shenja jete sepse filloi të nxirrte nga goja e saj një lëng. Mirëpo sapo prindërit e vogëlushes vunë re se dikush iu afrua fëmijës së tyre, nxituan për ta marrë atë.

Edhe pse i riu këmbënguli që të mos e lëviznin, ata e morën dhe së bashku me policinë u zhdukën nga vendngjarja

Xh.K/Shqiptarja.com