KORÇË- Një ngjarje e rëndë ka ndodhur në qytetin e Korçës pak pas mesditës së sotme rreth orës 16:30 (31 gusht). Bledar Trëndafili 45-vjeç ka tentuar që të djegë me benzinë gruan e tij Melisa Trëndafili, me të cilën ishin të proces divorci dhe jetonin të ndarë.
31 vjeçarja ka qenë duke u kthyer nga puna në shtëpi. Ish-bashkëshorti e ka ndaluar pak metër larg shtëpisë, duke i hedhur në trup një shishe me benzinë dhe me pas i ka vënë flakën. Pasi ka kryer aktin e rëndë është larguar me shpejtësi, ndërsa policia është vënë në ndjekje të tij.
31-vjeçarja ka pësuar djegie të shumta në trup dhe pasi ka marrë ndihmën e parë në spitalin e Korçës, është nisur për mjekim më të specializuar repartin e Shërbimit të Djegies në QSUT.
'Rreth orës 16:30, në lagjen nr. 2, Korçë, në rrugë, shtetasi B. T., 45 vjeç, ka tentuar të djegë me lëndë djegëse benzinë bashkëshorten,( në proces divorci dhe aktualisht jetojnë të ndarë), shtetasen M. T., 31 vjeçe. Shtetasi B.T, pasi i ka hedhur lëndën djegëse në trup shtetases M.T dhe e ka ndezur është larguar me shpejtësi. Si pasojë shtetasja M. T., ka pësuar djegie në trup dhe është dërguar menjëherë në spital për ndihmë mjekësore. Shërbimet e Policisë janë vënë në ndjekje të 45 vjeçarit. Grupi hetimor nën drejtimin e Prokurorisë ndodhet në vendngjarje dhe po punon për sqarimin e rrethanave dhe dokumentimin ligjor të rastit. Ndërkohë shërbimet e Policisë vijojnë kontrollet për kapjen e autorit.'- njofton policia.
Mësohet se 31 vjeçarja jetonte pas divorcit me të ëmën dhe dy fëmijët e mitur, 3 dhe 5 vjeç.
Lajmi në përditësim...
Një grua pësoi djegie të shumta pasi bashkëshorti i saj me të cilin është në proces divorci, Bledar Trëndafili e leu me benzinë dhe më pas i vuri flakën në banesën e tyre në Korçë.
31 vjeçarja Melisa Trëndafili ka qenë duke u kthyer nga puna në shtëpi, kur ish-bashkëshorti e ka ndaluar pak metra larg shtëpisë, duke i hedhur në trup një shishe me benzinë dhe më pas i ka vënë flakën.
Burime nga grupi hetimor bëjnë me dije se autori ka qenë në këmbë në momentin që ka djegur ish bashkëshorten, ndërsa është larguar me vrap pasi i ka vënë flakën.
Motivi i kësaj ngjarje të rëndë sipas policisë dyshohet të jetë xhelozia nga ana e autorit edhe pse çifti ishte në proces divorci.
Mësohet se 31 vjeçarja nuk ka pasur urdhër mbrojtje. Pritet që dëshmitë e familjarëve dhe të afërmve, të zbardhin më tej nëse ka patur kërcënime apo përndjekje të tjera nga ish bashkëshorti.
Komente
Lajme të tjera
-
Përballja me Vllazninë, Gvozdenovic kërkon fitoren e parë sezonale: Skënderbeu është gati
31 Gusht, 17:33 -
‘Veri-Jug’ rikthehet në sezonin e ri në Report Tv, të dielën ora 13:30 reportazh në Bulgarec të Korçës
31 Gusht, 10:27 -
Vendbanimi i lashtë i Linit zbulon se si u përhap bujqësia në Evropë
31 Gusht, 07:09 -
Dyshohet se ngacmoi seksualisht një të mitur, arrestohet 71-vjeçari në Maliq
30 Gusht, 09:04
-
Rikonstruktohet gjimnazi 'Ymer Dishnica' në Korçë, gati të presë 340 nxënës e mësues
30 Gusht, 08:56 -
Vepra e Gorkit ‘Vassa Zheleznova’, me regji të Enke Fezollarit çel edicionin e 11-të, të Festivalit të Komedisë në Korçë
29 Gusht, 16:11
-
“Dhimbje barku, temperaturë, të vjella, dobësi trupore”, fluks i lartë fëmijësh në Pediatrinë e Pogradecit
28 Gusht, 16:12
-
Korçë/ Autobusi përplas këmbësoren! Shoferi shoqërohet në Komisariat, 53 vjeçarja dërgohet në spital
27 Gusht, 16:21 -
VIDEOLAJM/ Stuhia hedh në tokë pemët në Korçë
26 Gusht, 21:07 -
Po kontrabandonte 50 pako me ilaçe nga Greqia, pranga në Kapshticë 36-vjeçarit. U gjetën të fshehura në pjesën frigoriferike të autobusit
26 Gusht, 13:31 -
Pas tre vitesh gërmime, arkeologët i vënë “vulën” zbulimeve në Korçë: Vendbanimi 5500 vite Para Krishtit
23 Gusht, 15:17
-
Tentoi të kalojë 500 litra naftë kontrabandë në Qafë Tahnë, pranga 49-vjeçarit
22 Gusht, 11:32
Burgun per nja 20 vjet pak e ka
Përgjigju