Zgjedhjet e zhvilluara para dhjetë ditësh dhanë një rezultat të qartë. Partia Socialiste e vetme fitoi 74 mandate dhe vazhdon qeverisjen e vetme. Por nga ana tjetër, kjo fitore e qartë e PS-së ka trazuar shumë ujrat në selinë blu, ku kryetari i saj Lulzim Basha pas pesë humbjesh radhazi, për të mos lëshuar karrigen e kryetarit me bekimin e Berishës, po justifikohet duke sulmuar fituesin.
Mbi këtë argument, prej ditësh makineria propagandistike e Bashës e ka ngritur këtë justifikim duke tentuar të krijojë në opinion publik idenë se problemi i zgjedhjeve që shkaktoi humbjen e opozitës është dyshja Rama-Doshi dhe jo paaftësia e tij. Por, Basha edhe këtë herë, njëlloj si kur tha që zgjedhjet nuk ishin të rregullta (edhe pse pas përfundimit të votimit shpalli fitoren dhe tha se tanimë vullneti i qytetarëve ishte në kuti), kur thotë se problemi është Rama-Doshi ka një problem të madh me logjikën për një arsye shumë të thjeshtë që ka të bëjë me numrat që në fakt kryedemokrati dihet që nuk i ka shumë përzemër. Lulzim Basha kur tenton të bëjë bashkë Ramën dhe Doshin si bashkëpunëtorë që i kanë marrë votat PD-së, bën një gabim trashanik po t’i hedhësh një sy tabelave të rezultateve në qarqet Tiranë dhe Shkodër ku PSD ka marrë mandate.
Fakti është që Tom Doshi, përveç një mandati që e ka marrë historikisht në Shkodër, dy mandatet e tjerë në fakt ai i ka marrë në kurriz të Partisë Socialiste. Po të mos kishte marrë partia e tij një mandat në Tiranë, Partia Socialiste sot do të kishte 19 mandate në këtë qark dhe këtë e treguan shifrat ku deri në fund PS ishte pranë mandatit të 19-ë.
Njëjtë edhe në Shkodër, ku mandati i Ilir Beqajt u dogj nga PSD e cila fitoi mandatin e dytë në këtë qark. Pra, shkurt e shqip, PSD e Tom Doshit nuk ka qenë një favor për Partinë Socialiste, përkundrazi, i ka hequr dy mandate të sigurta që mund ta çonin atë në 76 mandate ose më shumë, nëse llogarisim numrin e vogël të votave për të cilat nuk u arrit mandati i nëntë në Elbasan (+60 vota) dhe i treti në Dibër (+250 vota).
Këto janë faktet kokëforta që e nxjerrin edhe njëherë blof Lulzim Bashën në justifikimin që ai po përpiqet tu shesë demokratëve për humbjen e tij të pestë radhazi. Ndaj, Basha më kot mundohet të bëjë politikë e thurë justifikime mbi emra individësh, të cilët ndryshe nga ai të paktën patën kurajon për të dhënë dorëheqjen. Basha ka ç’të mësojë në këtë rast, por jo sesi të justifikohet.
Lajme të tjera
-
Zgjedhjet e vitit 2025/ Presidenti Bajram Begaj pret nesër në konsultime për datën PD dhe PS, e mbyll me Celibashin
24 Nëntor, 19:53 -
PD akuzon Ramën për takimin e Londrës: Pasi i dëboi nga Shqipëria, i dhunoi emigrantët në kryeqytetin britanik! Do përgjigjet
24 Nëntor, 19:03 -
Protesta e opozitës më 26 Nëntor/ PD publikon 5 rrugët dhe pikat që do bllokojë në Tiranë! Ja ndarja e deputeteve
24 Nëntor, 18:48 -
Basha për takimin dhe antimitingun në Londër: Turp e faqja e zezë për Ramën dhe Berishën! Ata i duan shqiptarët mish për top, pazare dhe për pushtetin e tyre
24 Nëntor, 18:20 -
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08 -
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Pse priti deri në fund Berisha, çfarë shpresonte?
22 Nëntor, 13:08
