Është një ngjarje e shënjuar në skenën e artit pamor. “E gjithë drita që nuk mund të shohim”, është derdhur në telajo nga piktori Ali Oseku dhe mbrëmjen e së enjtes ka mbledhur miqtë e tij, në pragun e galerisë “Harabel”.
“Pse e quajtëm ‘E gjithë drita që nuk mund të shohim’?! Sepse, ajo që e karakterizon piktorin, është aftësia për të gjetur të bukurën në gjithçka... në një pemë, tek bashkëshortja, fëmijët e tij... tek një peizazh i zakonshëm, tek i cili ai arrin të gjejë ‘dritën’”..., shprehet kuratorja Ajola Xoxa.
Artistin e paqtë Ali Oseku, një nga emrat më të mirë të artit bashkëkohor, tanimë në prag të 80-tave, e gjejmë të pranishëm në këtë ekspozitë personale edhe përmes këtyre autoportreteve.. Humbja e bashkëshortes e ka rënduar gjendjen e tij shëndetësore... çka e privon nga kontakti i drejtpërdrejtë me dashamirësitë e artit të tij.
“Është një dëshmi më shumë, që përtej këtij artisti të njohur dhe ‘rebeli’ të madh të artit shqiptar ai është një njeri shumë fisnik, me botë shpirtërore të jashtëzakonshme”, shton Xoxa.
E bija, Aisel është e prekur nga dashuria, e mbledhur strumbullar në këtë qoshk të vogël ekspozues, për artistin fisnik, që ‘dritën’ e përçon këtë mbrëmje edhe përmes tablove të tij.
“Jam shumë me fat që jam vaja e tij, mirënjohje ndaj jush”, thotë e prekur e bija, Aisel.
Kuratorja e ekspozitës, Ajola Xoxa, tregon se Ali Oseku është nga ata piktor, që gjëmon të bukurën, të mirën, atë çka një sy i zakontë vështirë ta pikas, edhe në situata të jashtëzakonshme, edhe në dhimbje... e pastaj e përcjell me artin e tij.
“Kur hymë në studion e tij vumë re se kishte një numër shumë të madh pikturash, diçka shumë e rrallë. Dhe une e pyeta: Si ka mundësi që pavarësisht moshës, pikturon kaq shumë. Më tha: Eh, bija ime, sepse unë jam bërë piktor 50-vjeç”, tregon Xoxa.
Ishte ‘verbuese’ për frymën e realizmit socialist ‘drita’ e pikturave e skenografive të Ali Osekut, çka solli në vitet ’70 jo vetëm burgosjen e tij, e më pas privimin nga jeta artistike, por edhe që detyruan autorin që të digjte veprat e tij... Nga ajo kohë mbetën vetëm “Portreti i nënës” e “Portret burri”…
“U burgos dy herë... dhe vetëm në 91 -shin mundi t’i rikthehej pikturës”, tregon kuratorja.
‘Drita’ ndryshe e Ali Osekut pret vizitorët deri në 9 dhjetor.
Lajme të tjera
-
Vetëvrasja e Mehmet Shehut para 43 vjetësh, dëshmia e ish-punonjëses së vilës: Kërkoi një kafe dhe një gotë ujë! Ngjarjen e mora vesh kur…
25 Dhjetor, 20:56
-
Një nga ne/ 'Ndenja 16 vite vetëm', prek i moshuari: Ndjeva një boshllëk, më mirë në azil me shokë
25 Dhjetor, 20:04
-
E rëndë në Kamëz, 55-vjeçari bie teksa punonte në pallatin në ndërtim, përfundon në spital! Hetime për shkaqet dhe kushtet e sigurisë
25 Dhjetor, 16:00 -
Festat sjellin trafik të rënduar në Tiranë, eksperti: Semaforët e shumtë bllokojnë qarkullimin, duhen mbikalime! Shoferët nuk zbatojnë rregullat
25 Dhjetor, 14:55 -
Stadiumi i ri 'Selman Stërmasi', në janar pritet prezantimi i projektit! Korporata Investimeve Shqiptare: Transformim për Tiranën
25 Dhjetor, 12:11 -
Në kërkim pas shpalljes non grata, Artan Grubi dyshohet se fshihet në Shqipëri! Dëshmia e biznesmenit: E dërgova me makinë deri në Tiranë
25 Dhjetor, 10:17 -
Sondazhi i Report Tv/ PS fiton Tiranën me 18 mandate, PD 11! 8 deputetë nga partitë e reja! Në Durrës socialistët fitore të thellë, marrin dhe Dibrën e Lezhën! Garë e fortë në Shkodër
25 Dhjetor, 07:51 -
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Magjia e Krishtlindjeve, qindra qytetarë shijojnë koncertin festiv në sheshin 'Skënderbej'! Veliaj: Kemi transformuar Tiranën
24 Dhjetor, 19:35 -
Vigjilja e Krishtlindjeve sjell trafik të rënduar në Tiranë e Vlorë, dyndje mjetesh në hyrje dhe dalje të kryeqytetit (VIDEO)
24 Dhjetor, 18:01 -
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59 -
Trafiku i rënduar, Report Tv sjell pamjet me dron, dyndje mjetesh në rrugët kryesore të Tiranës
24 Dhjetor, 16:19
