POP 5

Lajmet më të lexuara të 5 minutave të fundit

Ekonomi

Ekonomia u rrit me 4.06% në tremujorin e dytë! Ndërtimi ‘mundi’ turizmin, ngecin shitjet e pasurive të paluajtshme

Ekonomia është rritur me 4.06% në tremujorin e dytë të vitit, ndikuar kryesisht prej ndërtimit por edhe prej turizmit. Drejtoresha e INSTAT Elsa Dhuli, tha se me përjashtim të bujqësisë dhe industrisë nxjerrëse që regjistruan rënie, të gjithë sektorët e tjerë janë rritur në krahasim me vjet.

Ndërtimi dhe turizmi ishin dy motorët kryesorë të rritjes ekonomike në tremujorin e dytë të vitit. Instituti i Statistikave thotë se ekonomia gjatë muajve prill-maj-qershor është rritur me 4.06% krahasuar me vjet. Kurse si gjashtëmujor ekonomia është rritur me 3.94% krahasuar me janar-qershor të vitit 2023.

“Produkti i Brendshëm Bruto në tremujorin e dytë të vitit 2024 vlerësohet me rritje 4,06%  në terma reale kundrejt tremujorit të dytë të vitit 2023. Kontribut pozitiv kanë dhënë degët tregti, transport, akomodim dhe shërbim ushqimor me +1.12%, ndërtimi me +1.12 %, administrata publike, arsimi dhe shëndetësia, me +0.86 %, aktivitete profesionale dhe shërbim administrative me 0.62%,   bujqësi pyje dhe peshkim me +0.17%,  aktivitete të pasurive të paluajtshme me 0.13%, aktivitete financiare dhe të sigurimit me 0.13 %;  arte , argëtim dhe çlodhje me 0.06%. Negativisht ka kontribuuar grupi industri, energji dhe ujë me 0.96%, informacioni dhe komunikacioni me 0.11%.; taksat neto mbi produktet kontribuuan pozitivisht me 0.92%”, tha drejtoresha e INSTAT Elsa Dhuli.

Sipas raportit të INSTAT, ndërtimi e ka mundur turizmin në tremujorin e dytë sa i takon rritjes krahasuar me vjet. Aktiviteti ndërtues në këtë periudhë është shtuar me 10.10% më shumë se tremujori i dytë i 2023-shit. Ndërsa turizmi, përtej bumit të vizitorëve, renditet në vend të gjashtë me rritje prej 6,48% krahasuar me vjet.

Përpara turizmit, me rritje të konsiderueshme janë shërbimet administrative (9.58%), aktiviteti financiar dhe i sigurimit (8,71%), më pas Administrata Publike +8,05%. Në këtë periudhë ka ‘ngecur’ sektori i pasurive të paluajtshme, pasi shitjet janë rritur me vetëm 2.69% krahasuar me vjet. Ndikim në këtë ngadalësim të shitjeve kanë dhënë çmimet e larta të pronave që vetëm rriten, por edhe nisma për një tjetër rivlerësim të pronave të patundshme brenda vitit, që ka bërë që të ketë një stopim në tregun imobiliar. Dy sektorë në rënie për këtë periudhë sipas INSTAT janë bujqësia dhe industria

K.T./I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Durrës/ Makina përplas një burrë me biçikletë në rrugë, shoferi largohet nga vendngjarja

Durrës/ Makina përplas një burrë me biçikletë në rrugë, shoferi largohet nga vendngjarja

24 Dhjetor, 17:32