Afro 62.8 milionë euro është fatura e paguar deri më tani nga KESH për të vënë në punë dhe për të prodhuar energji nga TEC-et lundruese në Vlorë. Sipas shifrave zyrtare ato kanë gjeneruar 92 mijë megavat energji elektrike, ku kostoja ka rezultuar 151 euro për megavat.
***
Prej më shumë se një viti gjeneratorët lundrues të vendosur në triport në Vlorë (Tigri 1 dhe Tigri 3) janë ndezur për të prodhuar energji elektrike. Në total prej tyre deri në fund të nëntorit është prodhuar vetëm 92 mijë megavat energji elektrike, pavarësisht nevojave në rritje për konsum.
Për të plotësuar kërkesën Kesh-i, në nëntë muaj, sipas të dhënave të INSTAT, ka importuar nga jashtë rreth 2.7 milionë megavat nga 1.9 milionë megavat, vitin e kaluar. Sipas përllogaritjeve bazuar në ankandet e KESH, rezulton se deri më tani fatura e importit të energjisë është rreth 222 milionë euro. Ndërsa çmimi është luhatur mes vlerave 90-130 euro megavati.
Shifrat zyrtare të siguruara nga Report TV pranë Korporatës Elektroenergjetike tregojnë se deri më tani kostoja e prodhimit të një megavati në TEC-et lundruese, është dukshëm më e shtrenjtë, pak më shumë se 151 euro.
Referuar të dhënave të vëna në dispozicion nga KESH, për këto 2 gjeneratorë termik, deri tani janë shpenzuar 62.8 milionë euro. Konkretisht dy kompanive me të cilat Shqipëria nënshkroi marrëveshjen për t’i sjellë ‘tigrat’ në Vlorë, Excelerate Power dhe Renco iu është likuiduar vlera prej 32,998,715 dollarë.
Gjithashtu kompania RENCO ka marrë edhe 14,893,200 dollarë për shërbimet e mirëmbajtjes. Ndërsa për ndezjen e tyre janë blerë lëndë djegëse me vlerë 15 milion Euro deri më tani.
Dy platformat lundruese erdhën në Vlorë në shtator të vitit 2022, dhe synohej të mbulonin 15% të nevojave të konsumit vendas, me kapacitet prodhues 110 megavat orë energji elektrike.
Komente
Lajme të tjera
-
Çmime të kripura në prag të festave, Autoriteti i Konkurrencës nis monitorim për produktet e shportës
19 Dhjetor, 14:06 -
Eksportet, rënie me 6.9% në nëntor, 11-mujori mbyllet me -7%
17 Dhjetor, 17:10 -
Çmimi i energjisë edhe për 2026-ën do të jetë 8.5 lekë/kilovati
17 Dhjetor, 16:05 -
INSTAT: 37% e familjeve shqiptare të prekura nga emigrimi! Banka Botërore: Politikat e mira mund ta frenojnë atë
15 Dhjetor, 18:21
-
Gjysma e qarqeve kanë të ardhura për frymë më pak se 50% e Tiranës, kryeson Kukësi dhe Dibra
11 Dhjetor, 07:38 -
Eduard Zaloshnja: Kur ndodhi dallga më e madhe e emigracionit në 35 vjetët e fundit?
10 Dhjetor, 16:12
-
Në janar nis aksioni anti-informalitet në sektorin e ndërtimit, kontroll për deklarimin e pagave e deri tek çmimet e shitjeve
10 Dhjetor, 13:18
-
Inflacioni në nëntor ishte 2.1%, shkak çmimet e larta të ushqimeve dhe shtrenjtimi i qirave
9 Dhjetor, 16:26
-
Drejtorët e ARRSH dhe KESH në arrest shtëpie, Rama: 2 institucione kyçe 'pa kokë'! Zëvendësimi, kompetencë e Ballukut, por ajo është e pezulluar
7 Dhjetor, 09:40 -
Protestojnë bizneset në Patos: Ne çdo ditë hedhim në lumë brumin e bukës dhe mishin për shkak të mungesës së energjisë
4 Dhjetor, 17:24
-
Ulen kostot, por çmimet e apartamenteve vetëm rriten! Ndërtuesit ‘justifikohen’ me pagat, por shumica i japin nën dorë
4 Dhjetor, 15:45
-
Kafeja shënon rritjen më të lartë të çmimit në tetor, por shqiptarët nuk heqin dorë! Konsum rekord, 3.5% më shumë se viti i kaluar
1 Dhjetor, 07:20
