Ekstradohet nga Milano në Shqipëri, Etien Cani 28-vjeç nga Elbasani, i akuzuar si autori i vrasjes në shtëpinë e tij të shokut të ngushtë Gentian Beqirin dhe babait të tij, ngjarje e ndodhur në Elbasan në vitin 2012. Arrestimi i tij është bërë i mundur në datë 1 korrik në Rimini të Italisë si rezultat i policisë vendase me autoritetet italiane.
Cani u arrestua në një qendër rehabilitimi për personat përdorues droge ku ishte larguar si emigrant, ndërsa sot u ekstradua. Etien Cani dhe viktima, Gentian Beqiri ishin shokë të ngushtë me njëri-tjetrin. Ai e vizitonte këtë të fundit shumë shpesh në shtëpi për arsye se Beqiri ndodhej në arrest shtëpie pasi ishte një nga tre autorët e vrasjes së Sokol Çapjas në 25 dhjetor 2005.
Etjen Cani dhe Gentian Beqiri
Por në mëngjesin e 15 gushtit 2012 Gentian Beqiri u qëllua me tre plumba në kokë, teksa flinte në dhomën e gjumit në apartamentin e tij. Ndërsa babai i tij u rrah barbarisht me sende të forta duke pësuar fraktura në 6 brinjë dhe hemorragji në tru dhe në mëlçi. Vrasja dyshohet se u bë për llogari të Çapjave. Për këtë ngjarje u akuzua Etien Cani së bashku me Ervis Bardhin, i cili po ashtu u arrestua dhe dyshohet se ka bashkëpunuar me prokurorinë/ Cani tashmë do të përballet me drejtësinë me akuzat "Vrasja në rrethana cilësuese, në bashkëpunim" dhe “Armëmbajtja pa leje”. Pas ekstradimit, Cani doli sot para gjykates se Elbasanit per t'u njohur me masen e sigurise. Prokurori i dosjes ishte Ritvan Sukaj, ndërsa gjyqtare Miranda Cerkrezi, qe pranoi kërkesën duke e lënë në burg.
Telefoni zbuloi Elvis Bardhin e Etien Canin për vrasjen e babë e bir
Një përmbajtje mesazhi mes dy personave të dashuruar dhe një gjurme gishti e fiksuar në një targë makine, që u gjet jo shumë larg vendit, ku u dogj automjeti “Benz-Mercedez” zbardhi vrasjen e Nezir dhe Gentian Beqirit në gusht të 2012. Kjo vrasje është kryer në vazhdën e ciklit të hasmërisë që fisi “Çapja” kishte me fisin Mema. Vrasja e Gentian dhe Nezir Beqirit, ka ndodhur tetë muaj pasi në Elbasan ishte vrarë kushëri i Fadil Memës, Ilir Rrexhepi.
Në vitin 2012 Çapjat ishin hedhur në sulm, ku këtë herë kishin vënë në shenjestër Gentian Beqirin,i cili në 26 dhjetor të 2005 kishte qëlluar mbi Sokol Çapjan në bar “Aquario” në Elbasan, duke e lënë të vdekur në vend. Beqiri kishte vetëm pak kohë që kishte dalë nga burgu, dhe qëndronte në “arrest shtëpie”,pasi Gjykata e Lartë i kishte prishur dënimin me 18 vite burg, për vrasjen e Sokol Çapjas, dhe çështja penale ishte rikthyer për gjykim. Në 15 gusht 2012, dyshohet se Elvis Bardhi dhe Etien Cani të paguar nga anëtarë të fisit Çapja, kanë shkuar në banesën e Beqirit, në katin e pestë të një pallati.
Sipas dosjes së prokurorisë thuhet se rreth orës 08:40, nga banesa ka dalë nëna dhe bashkëjetuesja e Gentian Beqirit Behije Arapi për të bërë pazar dhe në këtë moment ka konstatuar se dy punonjësit e policies në detyrë, që ruanin Gentian, Sami Derstila dhe Neshat Budani nuk ndodheshin në vendin e detyruar për të kryer shërbimin, që ishte kati i pestëpërpara apartamentit të Gentian Beqirit, ku prindërit e tij kishin vendosur dy karrige.Si ka dalë nga pallati, Behije Arapi ka konstatuar përpara hyrjes së pallatit punonjësit e policisë, ku Neshat Budani ishte në këmbë përpara pallatit,ndërsa Sami Derstila ndodhej në makinën e tij dhe po hante mëngjes. Dy policët kanë komunikuar më nënën e viktimës, e cila është larguar për të bërë pazarin.
Në këtë moment, Neshat Budani ka shkuar në makinën e tij për të bërë mjekimin me“Insuline”,(pasi rezulton se ky polic vuan nga sëmundja e diabetit) dhe si ka kryer mjekimin ka qëndruar rreth 15minuta i shtrirë në automjetin e tij, ndërkohë që Sami Derstila vazhdonte të qëndronte brenda në automjetin e tij, duke vazhduar ngrënien e mengjesit. Pikërisht në këtë moment, Etien Cani dhe Elvis Bardhi kanë shfrytëzuar neglizhencën e dy policëve që ruanin Gentjanin, dhe kanë ngjitur shkallët e pallatit. Në banesë ndodheshin Gentjan Beqiri që flinte gjumë dhe babai i tij Neziri. Autorët kanë trokitur në derë dhe ajo është hapur nga Neziri.I moshuari është rrahur barbarisht nga Etien Cani dhe Elvis Bardhi,duke pësuar infarkt në zemër dhe ka vdekur në korridor. Ndërsa Beqiri, është qëlluar me 4 plumba në kokë dhe trup, teksa flinte gjumë.
Dy vrasësit kanë përdorur pistoletë me silenciator ndërkohë që janë larguar me shpejtësi, pa u vënë re nga dy policët që ndodheshin jashtë pallatit. Pas rreth 30 minutash,punonjësi i policisë,Sami Derstila, si ka përfunduar mëngjesin është ngjitur në katin e pestë të pallatit,pikërisht në banesën e Gentian Beqirit, për të kryer kontrollin e të arrestuarit. Si është afruar në derën e jashtme të banesës, fillimisht ka trokitur e më pas është futur në ambjentet e brendshme të banesës.
Sapo është futur brenda,Sami Derstila, ka gjetur në korridor të shrirënë dyshemeNezir Beqiri (babai i të arrestuarit Gentian Beqiri) i cili kishte,shenja dhune.Sami Derstila, është munduar t’i japë ndihmën e parë pasi Nezir Beqiri, kishte shenja jete, por nuk ka mundur dot të flasë.Sami Derstila, menjëherë ka thirrur Neshat Budani, ndërkohë që kahyrë në dhomën e gjumit ku ndodhej i arrestuari Gentian Beqiri. Në këtë moment ka mbërritur dhe Neshat Budani dhe si kanë hyrëbrendanë dhomë, kanë gjetur të vdekur nëkrevatin e tij Gentian Beqiri.Dy punonjësit e policisë kanë dalë menjëherë nga banesa për të konstatuar ndonjë person të dyshuar dhe disa metralarg kanë parë të largohen persona të panjohur.
Pas këtij momenti,rreth orës 09:44 Neshat Budani, ka njoftuar me telefonin e tij, celular sallën operative ku ka vënë në dijeni për ngjarjen. Nga procesverbali i paraqitjes për njohje i datës 15 gusht 2012 rezulton se polici Nehat Budani mes 16 fotove të kartotekës kriminale ka njohur si një nga personat që dyshohet si autor i vrasjes shtetasin Florenc Çapja. Ndërkohë nga polici tjetër Sami Derstila, është identifikuar dhe shoku i tij Arben Jaçe kësaj, prokuroria u mundua të mbajë në burg Çapjan dhe Jaçen, por dy policët Nehat Budani dhe Sami Derstila në gjykatë ndryshuan dëshminë duke pohuar se nuk ishin ata autorët e vrasjes.
Kjo solli dhe lirimin e tyre nga gjykata, dhe dështimin e plotë të dosjes. Në atë periudhë u kërcënuan prokurorët dhe gjyqtarët, të cilët u detyruan të mbrohen nga efektivë të repartit “RESI”. Nga ana tjetër më tej prokuroria arrestoi policët Nehat Budani dhe Sami Derstila për “Dëshmi të rreme” dhe “Shpërdorim detyre”, të cilët janë dënuar me nga 6 vjet heqje lirie. Ndërkohë dosja për dy vrasjet u pezullua duke mbetur pa autor. Por një vit më parë ajo u rihap sërisht, dhe sot si autorë të këtij krimi janë identifikuar Etien Cani dhe Elvis Bardhi që do të përballen me drejtësinë (lexo me shume ketu).
Komente
Lajme të tjera
-
Në kërkim për atentatin ndaj dy vëllezërve Doçi në Shkodër, arrestohet 30 vjeçari në Tiranë! Kapet me pistoletë në makinë (VIDEO)
29 Nëntor 2022, 10:06 -
‘Mikeshë e Çapjave’, gjyqtarja me pasuri përrallore Zamira Vyshka që u arrestua nga SPAK u denoncua nga Fadil Mema para se të vritej: U mbylli dosjen e një vrasje
23 Korrik 2022, 18:58
-
Vrasja e babë e bir, dëshmon në gjykatë ish e dashura e Besmir Dedjas, konfirmon njohjen me Ervis Bardhin të penduarin e SPAK që tregoi krimin
30 Prill 2022, 16:27
-
Ekskluzive/ Luftar Reçi tregon me emra ushtarët e Çapjave, vrasjet dhe autorët: Pagesat për ekzekutimet i bënte Behar Shehu, te hoteli ka fjetur Arben Imami dhe zyrtarë të tjerë të PD
26 Prill 2022, 16:58
-
Rrëmbimi e vrasja e Jan Prengës, SPAK përfundon hetimet, 7 të pandehur: Dritan Rexhepi porositi pengmarrjen nga Ekuadori! Shpëtojnë 3 vëllezërit Hajri
3 Nëntor 2021, 13:31 -
Atentat me armë zjarri në Shkodër, mbeten të plagosur 2 vëllezërit Doçi, 23 dhe 30 vjeç! Lidhje familjare me 'trurin' e pengmarrjes së Jan Prengës në Kamëz! Identifikohet autori
20 Mars 2021, 19:55 -
Ekzekutimi i babë dhe bir në Elbasan, gjykata i jep 14 detyra prokurorisë: Të pyeten policët që ruanin shtëpinë dhe Ardian e Florenc Çapja, indicie se organizuan vrasjen
18 Janar 2021, 12:38 -
I vetmi i mbetur gjallë, ekzekutuesi i Sokol Çapjes shfaqet në gjykatë, ja çfarë kërkon Armand Hasani
16 Nëntor 2020, 14:24
-
U kap 4 ditë më parë në Athinë, kërkohet ekstradimi në Shqipëri i Olsi Lekut, mikut të Çapjave të akuzuar për vrasjen e babë e bir
13 Tetor 2020, 09:27
-
Ekskluzive/ Arrestohet njëri nga autorët! Zbardhet rrëfimi i të penduarit në Elbasan: Unë vrava Gentian Beqirin, Olsi Leku rrahu e mbyti me jastëk babanë e tij
11 Tetor 2020, 14:15
-
Vrau babë e bir në Elbasan, arrestohet në Greqi Jorgo Leku, një nga autorët e ekzekutimit të armikut të Sokol Çapjas
11 Tetor 2020, 11:19 -
Autorët kapën Çapjat e policinë 'në gjumë', u qëllua kur në drejtori bëhej mbledhje anti-canabis
9 Qershor 2020, 19:38
Vetëm Enver djali bëri shtet, vetëm ai burrë bëri zap minjtë !
Përgjigju“Ligjet Themelore të Budallallëkut Njerëzor” sjellin prova të shumta dhe alarmante, se njerëzit budallenj janë shumë më të rrezikshëm, nga sa mendojmë.
PërgjigjuUnë jam në moshë të thyeme dhe mund të thonë “ky asht i marrë”. Ama, kur ato që unë them nuk u pëlqejnë, më quejnë të marrë; kur u kanë pëlqye, thonë: ky di shumë. Por tani që puna ka përfundue, mendimi em ndoshta nuk zen vend. Ne jemë nji popull që kemë kalue nji diktaturë shumë të vështirë. Por, para kësaj diktature, përveç nji periudhe shumë të shkurtë lirie, kemë kalue nji robni 500-vjeçare. Në këte mënyrë, ky popull asht mësue që, edhe me i shtie opangën në gojë, nuk flet, as bërtet. Këtu nuk jam dakord unë me popullin tem.
PërgjigjuElton Qyno, i vetmi gazetar qe i ka dhene nje tablo te qarte dhe te plote krimeve te kryera ne Elbasan. Te gjithe te tjeret futja Roma per Toma.
PërgjigjuI leshove zagaret e tuj Kamer mehja??po dije qe ske per te arrit gje dhe kte her dhe kujdes se ke shum burg ne itali per te be
PërgjigjuShoku I ngushte të mbron, keshillon, të do dhe nuk të vret. Mu t paska qënë jo shok I ngushte
PërgjigjuCapjat jan shum te forte i kane karamele kta pentitot.
PërgjigjuErdhi koha qe Shqiperia të pastrohet nga mutëria qe e kapluar per 30 vjet.
PërgjigjuPsee si gjeti gje si dermoi sueli i vetm perball gjith ati fisi qe kan capjat dhe i vetm esht e po o dermon dhe prit prit
PërgjigjuPo sueli nk eshte vetem. Ka grupin e vet. Plus ka edhe leke. Se vetem nk bente dot gje.
Ha me i futi Kameri zagaret e vet me komentu??po asigja skeni per te nxjerr dhe me kte.O lal Kamer baj kujdes se ke shum burg per te ba ne itali
PërgjigjuKameri esht intrriganti me i madh i qytetit ai i ka ba kto lamshe po do psoj shum shpejt
Po kameri kush eshte? Ca pune ka me kta capjat qe po thua ka fut zagare?
Dihet qe Lenc Capja ka be vrasjen dhe te deshmit e policeve por i interrnun policet i hoqen na puna dhe shpetun capjat
PërgjigjuO beni kush eshte kameri? Cfare ka ky me capjat? Eshte I forte ne elbasan ky kameri apo nuk ka grup e fis si kto capjat?
Duket dora jote kamer po do e shofim
Shum te fort paskan qen kto capallaret qe si gjeti asiher asigje dhe me pentit.Bravo
PërgjigjuErdhi koha te tregosh sa i fort je ardian capja
PërgjigjuE di gjith elbasani qe etjeni roje ishte bashk me klajdi dokolin,vrasesit ervis bardhi me olsi lekun(kushuriri etienit dhe normal porositesit familja Capja.po ne thashethemr esht dit gjithmon problemi qendrron qe tgjitha kto i di dhe shteti ne deklarimin e ervis bardhit,por nuk vepron.ca i ben kaq te fort kto Capjat???
PërgjigjuTe gjithe komentuesit ketu qenkan nga hetuesia, rrini ore rehat hani buk se ka shtet qe i gjen te gjithe keto kriminelat, Elbasani ne fakt thashetheme ka edhe burrat meren me fjale, ka organe kompetente qe i gjen te gjithe kriminelet rrini te qete ju!