Policia e Elbasanit ka arrestuar ditën e sotme shtetasin Bashkim Rrasa për mbajtje të armëve dhe municioneve pa leje në banesën e tij.
 
Shtetasit Bashkim Rrasa, 52 vjeç, me banim në komunën Tregan të rrethit të Elbasanit, pas kontrollit të ushtruar në banesën e tij nga efektivët e policisë iu gjetën: 1 pushkë karabinë 10-she i modelit 56, 260 fishekë dhe 10 metra fitil zjarrpërcjellës.

Gjithashtu mësohet nga strukturat e Policisë se 52-vjeçari Rrasa ka qenë dhe i dënuar më parë, 3 herë për vjedhje.