ELBASAN, 7 Korrik /ATSH, Miranda Sadiku- Inspektoriati i Ndërtimit pranë Bashkisë ka ndërrmarë një aksion për prishjen e të gjitha objekteve ku do të kryhen investime publike.
Shefi i këtij inspektoriati Aurel Kaja pohon se " me vendim edhe të Këshillit të Ministrave, edh enë bashkinë e Elbasanit ka nisur prishja e të gjithë objekteve të cilët janë shponësuar nga qeveria, për ti hapur rrugë investimeve publike".
Po sipas, Kajës aksioni i cili ka nisur sot në një nga qendrat e qytetit shumë pranë Tatim Taksave, do të vijojë edhe në tre lagje të tjera ku në total do të prishen 90 objekte të shpronësuara".
Inspektoriati më herët ka lajmëruar pronarët e objekteve kryesisht dyqane dhe banesa dhe deri më tani nuk është hasur asnjë rezistencë nga këto të fundit./a.g/