POP 5

Lajmet më të lexuara të 5 minutave të fundit

Sport

Eliminimi në play-off, largohet trajneri në Kategorinë e Parë

Veljko Dovedan nuk është më trajneri i Apolonisë në Kategorinë e Parë.

Eliminimi në play-off, largohet trajneri në Kategorinë e Parë

Veljko Dovedan

Veljko Dovedan nuk është më trajneri i Apolonisë në Kategorinë e Parë. Serbi 64-vjeçar ka vendosur mos vijojë më me fierakët, kjo pasi nuk arriti objektivin për të ngjitur ekipin në Superligë. Në një sezon me ulje-ngrije, Apolonia barazoi në play-off me Flamurtarin 1-1, me vlonjatët që kaluan më tej pasi u renditën më sipër në renditjen e Kategorisë së Parë.

Fill pas ndeshjes së djeshme, Dovedan tregoi se do fliste me presidentin e ekipit për të ardhmen. Tanimë duket se ish-trajneri i Bylis ka mbyllur një tjetër aventurë në Shqipëri. Në 17 ndeshje që e drejtoi Apoloninë këtë sezon, Dovedan siguroi 8 fitore, 5 barazime dhe 4 humbje, për një mesatare 1.71 pikë për ndeshje.

Për sezonin që vjen presidenca fierake duket se do kërkojë trajner të ri, me objektivin që do jetë sërish i njëjtë, ngjitja në Superligë.

 

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

O’Brien nesër në Beograd për takime me krerët e Serbisë

O’Brien nesër në Beograd për takime me krerët e Serbisë

19 Prill, 22:54