POP 5

Lajmet më të lexuara të 5 minutave të fundit

Kronikë

Emërimi i bordit nga Karabina
përplasje mes Kules dhe Konit

Për emërimin e anëtarëve të rinj në Bordin e Administrimit të Universitetit të Tiranës, që u cilësua nga dekanët si shkelje e autonomisë, ka reaguar edhe rektori i Universitetit Mynyr Koni. Në një deklaratë për mediat Koni tha se vendimi i ish ministres teknike të Arsimit Mirela Karabina, janë legjitime dhe konform ligjit të arsimit të lartë. VIDEO
Për emërimin e anëtarëve të rinj në Bordin e Administrimit të Universitetit të Tiranës, që u cilësua nga dekanët si shkelje e autonomisë, ka reaguar edhe rektori i Universitetit Mynyr Koni.

Në një deklaratë për mediat Koni tha se vendimi i ish ministres teknike të Arsimit Mirela Karabina, është legjitim dhe konform ligjit të arsimit të lartë.

 “Bordi i Administrimit është i përbërë nga 7 anëtarë, përfaqësues të stafit akademik që përzgjidhen nga Senati akademik, përfaqësues me mandat 5-vjeçar, si dhe përfaqësues të ministrisë së linjës, që emërohen nga ministri. Anëtarët e nominuar nga ministrja e Arsimit është legjitim. Në Universitetin e Tiranës nuk ka ndodhur ndryshimi i anëtarëve të bordit përfaqësues të universitetit, por ka ndodhur ndryshimi i anëtarëve të bordit përfaqësues të ministres së Arsimit. Në shkresën e ministres nuk ka asnjë lloj argumentimi”, thotë Mynyr Koni, rektor i UT-së.

Ndërsa dekani i fakultetit ekonomik, Dhori Kule shprehet se zëvendësimet e ndërmarra pa procedurë prekin autonominë e universitetit.

"Në qoftë se universitetet dhe strukturat e tyre do të ishin pre e vullnetit dhe dëshirave të ministrave që venë e vinë, nuk do të ishin më autonomë. Ligji ka lënë hapësira për të ndërhyrë me argumenta me procedurë. Ministri i shkarkon, por i shkarkon me procedurë, dhe do duhet të komunikonte dhe konsultohej me drejtoritë", thotë Dhori Kule dekani i fakultetit ekonomik.

Përmes një reagimi të bërë në lidhje emërimet e reja, ish ministrja Karabina ka thënë se ndryshimet janë bazuara në ligj dhe në përgjigje të shqetësimeve të autoriteteve drejtuese të institucioneve të arsimit të lartë publik.

Të gjitha shkrimet dhe deklaratat, Karabina i cilësoi si të papërgjegjshme duke keqinformuar opinionin dhe, për më tepër, sipas saj, në kundërshtim me misionet e institucioneve të arsimit të lartë dhe interesit publik.

Redaksia Online
J.Sh Shqiptarja.com

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Elbasan/ Dy të rinjtë u larguan nga Komisariati më 31 dhjetor, AMP pezullon nga puna 3 efektivët! Nuk parandaluan arratisjen e tyre

Elbasan/ Dy të rinjtë u larguan nga Komisariati më 31 dhjetor, AMP pezullon nga puna 3 efektivët! Nuk parandaluan arratisjen e tyre

15 Janar, 16:41