TIRANË- Partia Socialiste i ka kushtuar një vëmendje të veçantë qarkut të Tiranës, ndërsa ka nisur punën për zgjedhjet parlamentare 2025. Si qarku më i madh dhe që nxjerr edhe numrin më të madh të deputetëve, për herë të parë kryesocialsiti Edi Rama ia beson 3 drejtuesve politikë.
Erion Veliaj u konfirmua si drejtuesi politik i qarkut të Tiranës, i cili në zgjedhjet vendore të 2023 fitoi 4 nga 5 bashkitë, përveç asaj të Kavajës. Krahas tij në terren do të zbresin edhe Ogerta Manastirliu dhe Elisa Spiropali, e cila në zgjedhjet parlamentare udhëhoqi fitoren historike të PS në Shkodër. Kjo bashki për herë të parë në historinë e pluralizmit politik u fitua nga PS, ndërsa tashmë betejën për qarkun e Shkodrës në zgjedhjet 2025, Rama ia besoi kryebashkiakut Benet Beci.
Sekretarit të Përgjithshëm të PS, Blendi Klosit nuk i është besuar asnjë qark, ndërsa ai drejtonte qarkun e Vlorës, pas largimit të Arben Ahmetajt nga çdo post drejtues i PS për shkak të llogarive me drejtësinë. Në Vlorë është dërguar Bledi Çuçi, i cili në 2021 ishte në Berat. Kryesocialisti Rama ia besoi qarkun e Beratit kryebashkiakut Ervin Demo.
Nga qarku i Elbasanit ikën Damian Gjiknuri, i cili po ashtu mbetet pa qark, ndërsa është caktuar sekretar Organizativ dhe i Zgjedhjeve. Vendi i tij zëvendësohet me Arbian Maznikun, i cili iu bashkua kabinetit qeveritar të Ramës si ministër i Shtetit për Pushtetin vendor më shtator 2023.
Taulant Balla po ashtu mbetet pa drejtimin e asnjë qarku duke u larguar nga Fieri. Pas largimit si ministër të Brendshëm, Rama i ka deleguar në këto zgjedhje një detyrë të re, atë të shefit politik për Diasporën, nisur edhe nga ndryshimet e reja zgjedhore që lejojnë votën e emigrantëve në zgjedhjet 2025. Qarku i Fierit do të udhëhiqet nga zv.kryeministrja Belinda Balluku, e cila largohet nga Dibra. Në listën e drejtuesve politikë futet edhe ministri i Ekonomisë, Kulturës dhe Inovacionit, Blendi Gonxhja që do të udhëheqë qarkun e Dibrës.
Katër drejtues politikë janë konfirmuar në të njëjtat qarqe që iu besuan në vitin 2021. Ulsi Manja në Lezhë, Pandeli Majko në Kukës, Niko Peleshi në Korçë dhe Mirela Kumbaro në Gjirokastër.
Ndërkohë, qarku i Durrësit i besohet kryebashkiakes Emirjana Sako, e cila në zgjedhjet 2023 udhëhoqi fitoren në tre bashkitë. Nga Durrësi ikën Ardian Çela, të cilit Rama kësaj radhe nuk i ka dhënë drejtimin në asnjë qark.
Benet Beci dhe Edi Rama në fushatën e zgjedhjeve 2021, foto arkiv
Kryebashkiaku i Shkodrës, Benet Beci ka reaguar në një postim në rrjetet sociale pasi kryeministri Rama i besoi drejtimin e qarkut të Shkodrës në garën për zgjedhjet parlamentare 2025. Beci falënderon Ramën për besimin, ndërsa thotë se do japë maksimumin për këtë detyrë sfiduese në rrugën pakthim për zhvillimin e Shkodrës.
“Janë emocione të përziera këto të sotmet, kur Kryeministri Edi Rama sapo më ngarkoi me një detyrë të rëndësishme, sfiduese e krejt të re për profilin tim. Jam thellësisht falënderues për mundësinë dhe besimin për të qenë koordinator politik i Partisë Socialiste për Qarkun e Shkodrës.
Padiskutim z.Rama, por veçanërisht qytetarëve të Shkodrës e bashkëpunëtorëve të mi. Falë jush, rrugëtimi ynë i përbashkët në politikë, prej prillit të 2021 po rezulton i duhuri. Ndjehem gjithashtu i shpërblyer për modelin tonë të të bërit politikë.
Duke u fokusuar te puna dhe pozitiviteti, te aftësitë dhe vullneti për ta zhvilluar rajonin tonë, duket se po sjellim bashkë mundësi të reja. Por sot ndjehem edhe i sfiduar, si dikush që merr përsipër për herë të parë përgjegjësi, në një fushë ku përpara kanë kontribuar njerëz me përvojë më të gjatë.
Me shumë dëshirë, motivim dhe besim do t'i kushtohem edhe kësaj detyre, për të dhënë maksimumin në një rrugë tashmë të pakthim, atë të zhvillimit për Shkodrën si bashki e si qark. Kam nevojë për mbështetjen e çdo anëtari të partisë, çdo kontribuuesi në vite e çdo qytetari në qarkun tonë.
Nuk do të jetë e lehtë, por kjo e jona duhet dhe do të jetë rruga drejt zhvillimit pa kthim, siç Shkodra e meriton. Ne duhet e do të jemi të gjithë bashkë, sepse Shkodra është e para. Faleminderit”, shkruan Benet Beci.
Komente
Lajme të tjera
-
Asambleja e PS dhe drejtuesit e qarqeve, Basha: Teatër i shëmtuar që riciklon veten
8 Shtator, 14:26 -
12 drejtuesit politik të PS, Andoni në Report Tv: PD në Fier e ka të vështirë! Me kandidimin jashtë liste, Rama i dha një mësim opozitës
8 Shtator, 14:12 -
Ndizen motorët/ Drejtuesit politikë të PS dhe PD-së dhe në 12 qarqe! EMRAT, kush do të përballen në zgjedhjet e pranverës 2025
8 Shtator, 13:16 -
Rama: Kush nuk deklaron pagat reale do arrestohet si hajdutët e energjisë elektrike
8 Shtator, 12:01 -
Vrasja e Egli Progës në Pogradec, Rama: Politikë me një vdekje tragjike, ne nuk as mbrojmë ministrat! Një prokurore e paaftë bëri politikë, jo hetim të paanshëm
8 Shtator, 11:33 -
Nesër nis shkolla/ Ndalohet lëvizja e furgonëve të mallrave në orën 07:00-09:00, Bashkia apel edhe për prindërit në administratë publike
8 Shtator, 11:04 -
Asambleja e PS/ Rama: Unë dhe deputetët e vjetër garojmë në lista të hapura, të rinjtë tek e mbyllura! PD merr më pak mandate se në '97! Zgjidhet sekretariati, voton kryesia! (EMRAT)
8 Shtator, 07:02 -
Viti i ri shkollor/ Mbi 238 mijë nxënës janë pajisur me libra falas
7 Shtator, 19:46 -
PS mbledh nesër Asamblenë Kombëtare në Durrës, do votohet Kryesia e re dhe Sekretariati! Zbardhet axhenda
7 Shtator, 19:43 -
Lorenc Vangjeli: Plani i Ramës, ethet e Asamblesë dhe Shqipëria si atdhe i Njëshit dhe Prijësit
7 Shtator, 18:59
-
Preç Zogaj: Socialistët e vërtetë dhe kazerma elektorale e Ramës nuk janë e njëjta gjë
7 Shtator, 18:25
-
Bashkia e Tiranës merr në dorë pastrimin, Veliaj: Kompanitë private kërkuan zgjidhje me presion! Rritje rroge e shpërblime për punonjësit e pastrimit
7 Shtator, 18:02
Damiani ne Vlore beri deme te medha si elefantet kur shkelin te mbjellat.Coi spiunat hajdutet bastardet ne vende kyce ne administrate,Pafund deme pafund
PërgjigjuShame pd se ska risi, po këtu ku jame risitë? Sirros dhe g99 shoh unë
PërgjigjuShyqur e hoqen Gjiknurin se cfare nuk beri ne Vlore
PërgjigjuShyqyr e hoqen kete Damianin sepse ra dakord qe ne Vlore te hiqeshin nga puna e te vendoseshin ata qe deshironte Vilma Bello
PërgjigjuKomentoj suksese Drejtuesve politike une kandidoj i pavarur me 21000 vota te mbështetur nga diaspora dhe bindja demokratike
Përgjigju