Javën e kaluar, kongresisti Stephen F. Lynch i dorëzoi Medaljen e Artë Kongresionale të Zyrës së Shërbimeve Strategjike (OSS) veteranit të Ushtrisë Amerikane, Semeon ‘Sam’ Simollari. Pjesëtari i dikurshëm i të ashtuquajturës Njësia Shqiptare, Kompania B, Regjimenti i 2677, u nderua për shërbim dhe guxim të shquar në Luftën e Dytë Botërore. Sam Simollari është i vetmi që ka mbetur gjallë nga njësia që u përgatit dhe dërgua nga Ushtria e SHBA-së që të ndihmonte në mposhtjen e nazistëve në Shqipërinë e pushtuar nga gjermanët.
Një ceremoni modeste u mbajt në Qendrën “South Shore” të Infermieriesë dhe Rehabilitimit, në Rockland, Massachusetts. Fotografitë nga ceremonia u dërguan nga zyra e kongresistit dhe tregojnë momentin e dhënies së Medaljes së Artë të Kongresit, në prani të familjarëve dhe Ron Nasson nga Shoqata e Veteranëve Shqiptaro-Amerikanë.
Sam Simollari i lindur në Përmet, ishte ende fëmijë kur prindërit e tij u vendosën në SHBA në vitin 1930. Ai u rrit në lagjen West End të Bostonit. U regjistrua në ushtri, gjatë Luftës së Dytë Botërore, ku u rekrutua nga OSS, e cila për lexuesit që nuk e dinë ka qenë pararendësja e CIA-s. Arsyeja ishte njohja e tij e mirë e gjuhës shqipe dhe kulturës shqiptare.
Ai u stërvit bashkë me një grup 20 ushtarësh të tjerë shqiptaro-amerikanë, përpara se të dërgoheshin në Bari të Italisë e që aty, në Shqipërinë e ushtuar. Sam u parashutua afër Korçës, ku iu bashkua njësive partizane që luftonin për çlirimin nga gjermanët. Detyrat e tij ishin të ndërlidhjes dhe vazhdimisht shkëmbente informacione me qendrën në Bari. Lidhja me të ishte kyçe në bombardimet nga ajri, me të cilat forcat aleate ndihmuan luftimin e nazistëve. Në 28 Nëntor, ndërsa gjermanët largoheshin nga vendi, Sam Simollari ishte një nga 26 amerikanët e Njësisë Shqiptare të OSS-së që marshuan në Tiranë bashkë me drejtuesit e Frontit Nacional Çlirimtar.
Sot, në Shqipëri ende debatohet nëse dita e Sot, në Shqipëri ende debatohet nëse dita e çlirimit ishte 28 apo 29 nëntori.
Sam qendroi në Shqipëri dhe Europë deri në 1945, kur u kthye në Massachusetts. Në 1947, u martua me gruan e tij Jean dhe u vendosën me banim në Sharon, Massachusetts, ku rritën një familje së bashku, ndërsa punonte në një dyqan mekanikësh për riparim makinash të huaja. Sam dhe Jean patën gjashtë fëmijë. Diane (bashkëshorti Peter) me banim në Hull, MA; Kristine nga Sandëich, MA; Linda nga Gulfport, Florida; Martha nga Connecticut; Ruth (e martuar me Tedin) në Hull, MA; si dhe Michael nga Palm Springs, California. Sam ka edhe shtatë nipër, mbesa e stërnipër. Vëllai i tij, Bill Simollari, një veteran i Forcës Ajrore së Shteteve të Bashkuara, i cili jeton në Stoughton, MA, mori pjesë gjithashtu në ceremoni./illyriapress/
Komente
Lajme të tjera
-
Vritet një komandant pro-iranian në sulmin amerikan me dronë në Irak
4 Janar, 15:52 -
Anja Xifaj maturantja me Medalje Ari: Dua të jetoj në Shqipëri! Të ndërtoj godina të bukura rreth Tiranës e të them po, këtë e kam bërë unë
25 Dhjetor 2023, 12:02
-
Aksidenti me helikopter lë 22 ushtarë amerikanë të plagosur në Siri
13 Qershor 2023, 09:09 -
RAPORTI: Rritje e madhe e vetëvrasjeve në ushtrinë amerikane, Pentagoni rishikon protokollet
11 Tetor 2022, 08:51 -
SHBA fiton medaljen e parë të artë në Lojërat Olimpike të Pekinit
9 Shkurt 2022, 16:43 -
Pentagoni do të lirojë nga shërbimi ushtarët e pavaksinuar: Paraqesin rrezik për të tjerët
2 Shkurt 2022, 22:00 -
Analiza/ Çfarë do të thotë për sigurinë rajonale, ndërtimi i një bazë e re amerikane ushtarake në Shqipëri?
27 Janar 2022, 09:24 -
VIDEO/ U largua drejt SHBA kur ishte 7-vjeç kthehet në atdhe si ushtare amerikane në mision! Historia e togeres Hatixhe Çollaku
12 Shtator 2021, 12:39 -
Medalje Ari për maturantë ekselentë të diplomuar, Kushi: Përqafoni vlerat më të mira të shoqërisë, mos u ndalni në rrugën e ëndrrës suaj
23 Prill 2021, 13:41 -
Shqipëria, gati për stërvitjen më të madhe të NATO-s në rajon, gjenerali Begaj zbulon detaje: Cili është roli i ushtrisë sonë
21 Prill 2021, 08:20 -
‘Defender 21’/ Zbarkojnë në Durrës 2 anijet e para amerikane me mjete logjistike për stërvitjen më të madhe ushtarake në Shqipëri
16 Prill 2021, 22:55 -
'Defender Europe 21', avionë e anije luftarake në Shqipëri! Report Tv zbardh planin e stërvitjes ushtarake në 3 baza
28 Shkurt 2021, 13:02
Asnjë emër shqiptar fëmijëve! Si duket e paskemi në rracë tjetërsimin me pasojë “humbjen” . Kjo rracë kaq e fortë që bën çdo gjë per të tjerët dhe aspak për veten..
PërgjigjuEdhe Fredi emer shqiptar eshte hahahahaha
Kur e mendon qe shume "shqiptare" emrin nazif ose mazllem ose kozma ose baftjar e konsiderojne shqiptar atehere shyqyr qe ka emra anglosakson.