POP 5

Lajmet më të lexuara të 5 minutave të fundit

VIP & Spektakël

Enca Haxhia, për herë të parë me baladë në “Top Fest”

Këtë javë në rubrikën “Pink Report” të emisionit “Rreze Dielli” ka qenë e ftuar një personazh mjaft interesant siç është këngëtarja e re Enca Haxhiu. Enca, e thjeshtë dhe me sens humori në intervistën e
Këtë javë në rubrikën “Pink Report” të emisionit “Rreze Dielli” ka qenë e ftuar një personazh mjaft interesant siç është këngëtarja e re Enca Haxhiu.



Enca, e thjeshtë dhe me sens humori në intervistën e dhënë për televizionin A1 Report ka zbuluar disa nga projektet më të afërta të saj.

Këngëtarja 17 vjeçare e cila përveç muzikës ndjek dhe studimet ka thënë se plani më i afërt i saj është pjesëmarrja në spektaklin muzikor “Top Fest”, ku do të shfaqet ndryshe nga herët e tjera pasi do të interpretojë në një rrymë të paprovuar më parë.



Duke treguar për bashkëpunëtorët që e kanë ndihmuar në këtë projekt muzikor,vajza bukuroshe ka thënë se këtë herë do të vijë me një baladë, e cila ka në qendër dashurinë.



Kjo këngë do të jetë dhe një dhuratë për të dashuruarit me rastin e festës së “Shën Valentinit”.

Nuk kanë munguar as batutat e shkëmbyera me moderatoren e rubrikës “Pink Report”,çfarë ka nxjerrë në pah spontanitetin dhe sensin e humorit që karakterizon këngëtaren Haxhia.



Në lidhje me planet e ardhshme të sajat Enca ka thënë se ka ndërmend disa projekte të reja muzikore, të cilave do ti përkushtohet pas mbarimit të shkollës pasi ajo është në vitin e fundit të gjimnazit.



Nëse nuk do të merej me muzikë, arti është fusha ku Enca do ta shikonte me patjetër veten e saj.

“Aktrimi më pëlqen shumë dhe shpresoj që një ditë edhe mund ta realizoj”- ka thënë më tej Enca.



Këngëtarja edhe pse mjaft e re ne moshë ka hyrë fuqishëm në tregun muzikor, ku ka realizuar disa klipe dhe këngë mjaft të pëlqyera nga publiku.

“Për të realizuar këto projekte kam punuar me të vërtetë shumë dhe më vjen mirë që janë mirëpritur nga publiku”-ka thënë këngëtarja e qeshur.



E pyetur për këngëtarët të cilët e frymëzojnë më shumë Enca është shprehur se i pëlqen shumë ylli i njohur Lady Gaga, madje ka marë pjesë dhe në një nga koncertet e saj.



Si shumë të rinj Enca ka thënë se preferon të përdorë rrjetet sociale, por më së shumti i shikon si një mjet për tu promovuar.



Në përfundim të intervistës këngëtarja ka vlerësuar dhe marrëdhënien e saj me mediat të cilën e ka konsideruar të mirë deri tani.

(b.t/shqiptarja.com)

2/9
/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Abuzim me tenderat/ Dënohet me burg ish-kryebashkiakja e Patosit, Rajmonda Balilaj! I konvertohet në shërbim prove

Abuzim me tenderat/ Dënohet me burg ish-kryebashkiakja e Patosit, Rajmonda Balilaj! I konvertohet në shërbim prove

15 Janar, 19:00