Energjia e rinovueshme, Rama në Beograd: Duhet të shkojmë përtej kufijve tanë! Do kemi masterplan rajonal dhe udhërrëfyes investimesh

Kryeministri Edi Rama ka folur në konferencë në Beograd për energjinë e rinovueshme duke thënë se kur veprohet në mënyrë rajonale, është më e lehtë qasja në financime dhe sjell partneritet më të fortë. Po ashtu shpreson se do të vijojë bashkëbisedimi me partnerët norvegjezë për masterplan dhe udhërrëfyes investimesh.

“Kriza energjetike na ka bërë të shkojmë përtej Kufijve. S’ka dyshim se në këtë kohë kaq të vështira, ajo çfarë kemi thënë më parë kur nisëm Ballkanin e Hapur dhe kur nxitëm për një bashkëpunim më të gjerë bëhet gjithmonë e më e dukshme. Duhet të shkojmë përtej kufijve tanë pasi në të kundërt mbetemi ende tregje të vogla dhe ajo çfarë na duhet dhe për të cilën kemi nevojë mund të jetë shumë më tepër e kushtueshme dhe jo vetëm kaq.

LEXO EDHE:
Akuzat e Bardhit për Olsi Ramën, Kryeministri: Kallëzim s’paska bërë thotë SPAK-u, u shiti 'sapunin për djathë' italianëve! S’duhet të jetë burrë, do dalë cullak

Duke vepruar në mënyrë rajonale, ne mund të kemi qasje më të lehtë në financime dhe mund të kemi partneritet më të fortë në sektorin privat. Ishte ditë e rëndësishme kjo e sotmja. Jam mirënjohës qeverisë norvegjeze që bëri të mundur nisjen e këtij bashkëbisedimi me strukturat më të mira.

Shpresojmë që ky bashkëbisedim do të vijojë dhe ne do kemi me vete partnerët norvegjezë për një master plan dhe udhërrëfyes investimesh”, tha Rama

Lajmi kryesor:

Kriza dhe energjia, samit Ballkani Perëndimor-Norvegji në Beograd! Rama: Treg rajonal për energjinë, vetëm kështu jemi të fortë në këtë kohë lufte

A.M./Shqiptarja.com

TAG:
• edi rama
• beograd
• serbi
• kriza energjetike