POP 5

Lajmet më të lexuara të 5 minutave të fundit

Lifestyle

Lajme nga emisionet

Erdhi për herë të parë në 1993, prifti katolik gjerman i dashuruar me Shqipërinë: Zbulova natyrën e bukur dhe mikëpritjen shqiptare

Erdhi për herë të parë në 1993, prifti katolik gjerman i dashuruar me Shqipërinë: Zbulova natyrën e bukur dhe mikëpritjen shqiptare

Është gjerman por e flet shqipen gati në mënyrë perfekte, çdo vit udhëton drejt vendit tonë. Kjo është historia e Markus Peter, priftit katolik që ‘dashuron’ Shqipërinë. Në një intervistë në emisionin ‘Rreze Dielli’ ai tregon se si e njohu Shqipërinë rastësisht kur ishte student nga profesorët Aleksandër Meksi dhe Neritan Ceka.

“Në atë kohë kam qenë akoma student i teologjisë protestane, shqipëria ishte akoma shtet ateist megjithatë në kuadër të teologjisë protestante ka ardhur një grup shkenctarësh, profesorash të paeologjisë kristiane në Marburg. Profesorët ishin Aleksandër Meksi, prof. Dok.Neritan Ceka, Apollon Bace. Ishim kurioz edhe nga mësimi, edhe simpatia për kulturën gjuhën e gjithçka që lidhet me Shqipërinë” thotë ai.

Për herë të parë vjen në Shqipëri në vitin 1993, ndërsa rrëfen që për një periudhë kohore ka studiuar në Akademinë e Arteve në Tiranë.

Në ’93 rastësisht në ditën e ardhjes së atit të shenjtë me 26 prill kam vajtur në Korcë thjesht për të ndihmuar mikun tim korçarë i cili  kishte blerë një makinë.

Këtu në Tiranë kam studiuar në Akademinë e Arteve. Më pas jam kthyer në Gjermani kam mbaruar diplomën për teologjinë katolike dhe jam kthyer në Shqipëri pikërisht për fenë katolike. Katolicimi i Shqipërisë më ka tërhequr jashtëzakonisht sepse kurrë në jetën time nuk kam parë një katolicëm kaq të gjallë.

Në atë periudhë I bie në sy edhe mikëpritja shqiptare, gjatë një udhëtimi në Theth ku mbetet në Theth në një rrugë me baltë, me makinë të prishur dhe gjen mikëpritjen e vendasve.

Për herë të parë kam përjetuar mikëpritjen e shqiptarëve, më bëri shumë përshtypje, ishte shtrëngatë dhe miku im më tha ‘hajde shkojmë tek ajo familja aty’, unë i thash që është e pamundur nuk mund të trokisnim në derën e tyre sepse nuk e dinë se kush jemi, por ata na kanë pranuar sikur të ishim miqtë më të ngushtë të familjes. Kjo ishte një eksperiencë tepër mbreslënëse.

Tashmë vjen çdo vit në Shqipëri në një udhëtim të gjatë me makina nga Zvicra për të mos humbur bukuritë shqiptare.

Cdo vit vij në Shqipëri, nga miqësia më shumë njerëz dhe interesi në fushën e kulturës, fitaltelisë. Udhëtimin me makinë në Shqipëri e bëj për bukurinë e vendit, ndaloj, shikoj, ha ndonjë drekë në Slloveni, Kroaci etj.

Prifti katolik Markus Peters tregon edhe për pasionin e tij për filatelinë .Ai është një koleksionist i pullave shqiptare, i vetmi ekspert në botë që ka përfaqësuar Shqipërinë për autenticitetin e pullave.

“ Unë jam më shumë i përqëndruar  tek historia postare sepse historia postare bashkë me pullat pasqyron cdo periudhë historike, politike, ndryshimet në kulturën e jetës së njeriut, pasqyron shumë. Jam anëtar I AIE-së dhe aty jam anëtar që nga viti 2004 dhe ka ankand tregtar nga Amerika, vende të ndryshme të botës, që kërkojnë ndryshimin e ekspertizave për pullat dhe materialet e vjetra’ tha ai.


Lajmi kryesor:

‘Braktisa dashurinë për fenë’, prifti gjerman rrëfen në Report Tv si e gjeti rrugën drejt besimit katolik: Jam shuguruar 40-vjeç
MC/Shqiptarja.com
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46