Ermal Fejzullahu dhuron 100 mijë euro për banorët e prekur nga tërmeti

Ermal Fejzullahu ka treguar se do t’i ndihmojë viktimat e prekura nga tërmeti me  një shumë prej 100 mijë eurove.

Artisti përmes një postimi ka zbuluar se edhe ai i është bashkuar shumë kolegëve të tyre që po bëjnë gjithçka për ta bërë më të lehtë jetën e  banorëve e zonave të prekura nga tërmeti.

“Bashkëndjenja e dhimbjes dhe dashurisë janë një! Se zemra e shqiptarit është e madhe dhe bashkëndjenja obligim, shembull është miku im i cili çdo herë i heshtur ishte pranë atyre që kishin nevojë. Të trishtuar nga dhimbja dhe pamundësia për të ndalur këtë trishtim, kemi ndarë 100.000 euro për të ndihmuar të goditurit direkt nga kjo fatkeqësi. Do të ndihmohen rastet më të rënda për të sanuar sado pak dëmet që kanë pësuar“, shkruan Ermali.

Gjithashtu edhe babai i tij, këngëtari i muzikës kosovare Sabri Fejzullahu ka hapur dyert e shtëpisë së tij për një familje prej 6 anëtarësh.

Postimi i Ermalit

Postimi i Sabriut

Lajmi kryesor:

Vipat ofrojnë ndihma financiare për të prekurit nga tërmeti...që nga Noizy, Kledi Kadiu e deri tek këngëtari i famshëm Pupo

TAG:
• termetet
• vipat shqiptare
• termet me viktima ne Shqiperi