Italia pret rivalin e çerekfinaleve. Një kundërshtar jo dosido por që del nga superpërballja e 1/8 Belgjikë-Portugali ose më mirë nga sfida Lukaku-Ronaldo. Në Sevilla duke nisur nga ora 21:00 Belgjika që i mbylli grupet me tre fitore dhe ka 13 ndeshje radhazi që vetëm fiton në ndeshjet e Europianëve duke përfshirë edhe kualifikueset kërkon kualifikimin. Pritet që nga minuta e parë të jenë edhe De Bruyne e Eden Hazard së bashku me Lukakun. Trajneri Roberto Martinez thotë se nuk e ndërron De Bruynen me Ronaldon ndërsa për Portugalinë nënvizon: “Është ekip fitues dhe ka lojtarë shumë cilësor. Është kampionia në fuqi. Ne e respektojmë por duam të kualifikohemi”. Me 47 gola në 13 ndeshje dhe me një Lukaku në super formë belgët duken të papërmbajtshëm.
Në kampin e luzitanëve e shohin si një finale përballjen e sotme të 1/8 ndaj Belgjikës. Të paktën trajneri Fernando Santos ka thënë se kjo sfidë është një finale për ta dhe finalet jo thjesht luhen por fitohen.Bruno Fernandes pritet ta nisë sërish nga stoli ndërsa në në majën e sulmit do jetë Ronaldo i mbështetur nga Silva e Jota. Me 14 gola në finalet e Europianëve dhe 5 në Euro 2020 Ronaldo pasi i shënoi Gjermanisë e Francës e ka këmbën e “nxehtë” edhe për Belgjikën.Me rreth 6 mijë portugezë të mbërritur në Sevilla, Portugalia duket sikur luan në shtëpi. Drejtësi do të vendos gjermani Felix Brych.
Holanda shihet si favoritja e madhe ndaj Çekisë për të siguruar një biletë për në çerekfinale të EURO 2020, ku do të gjente Danimarkën. Tulipanët nuk duhet të gabojnë në Budapest në ndeshjen që nis në orën 18:00 për t’i dhënë vazhdimësi ëndrrës dhe rezultateve të mira që morën në grup me 3 fitore dhe tetë gola të shënuar. Depay e kapiteni Wijnaldum janë një garanci për skuadrën ashtu si edhe dyshja e mbrojtjes De Ligt-De Vrij.Trajneri Frank de Boer shikon larg dhe thotë se Holanda e tij nuk do thjesht të arrijë në finale por të fitojë trofeun. Rivalët e sotëm i cilëson një skuadër shumë të mirë dhe e mbyll duke thënë se për të mundur çekët Holanda duhet të jetë në top formë. Nga këmbët e De Jong pritet që të nisë gjithë inspirimi i tulipanëve edhe në këtë sfidë.
Tek Çekia e dinë shumë mirë që kanë përballë një rival shumë të fortë. Trajneri i çekëve thotë se për të mundur Holandën duhet të japësh 150% në fushë. Çekia u kualifikua si e treta e grupit D falë edhe një super forme të sulmuesit Patrick Schick. Holanda do të përballet nga formacioni më i mirë i çekëve që nëse do kualifikoheshin do realizonin një arritje të madhe.
Lajme të tjera
-
VIDEO/ U godit nga rrufeja dhe hyri në koma, 16-vjeçarit i cili i pushoi zemra rikthehet të luajë futboll
26 Shkurt, 15:10 -
Kampionati Europian i Futsallës për priftërinj në Shkodër, Duka: Futbolli, forcë e jashtëzakonshme
6 Shkurt, 12:53 -
Wanda Nara përshkruan natën e parë erotike me Icardin: Dysheku u shkatërrua totalisht, të nesërmen pija qetësues
16 Janar, 19:58 -
Shorti i 'Euro2024', Ramadani preferon përballjen me dy ekipe ‘big’ por e pamundur
2 Dhjetor 2023, 11:31 -
Liga e Kombeve/ Irlanda ‘përmbyt’ kombëtaren shqiptare të femrave nën rebeshin e Shkodrës
31 Tetor 2023, 20:00 -
Tiranë/ I mori para një personi që ta bënte pjesë së skuadrës, arrestohet ish-trajneri i futbollit
27 Shtator 2023, 16:30 -
Humbi me Shqipërinë, Polonia shkarkon trajnerin Santos, golat e Asanit dhe Dakut ndëshkojnë portugezin
13 Shtator 2023, 18:29 -
Kosovare Asllani i siguron Suedisë vendin e tretë në Kupën e Botës
19 Gusht 2023, 16:50 -
Pse një penalti mund të humbet edhe nga lojtarët më të mirë?
8 Korrik 2023, 21:37 -
VIDEOLAJM/ Futboll në fushën me baltë, përmbytjet në Itali s'e ndalin pasionin e fëmijëve
21 Maj 2023, 15:16 -
Disa personave iu shitën bileta false, të paktën nëntë të vdekur pas një përplasjeje në një stadium në El Salvador! Mes viktimave 2 gra
21 Maj 2023, 08:31 -
U tall me Messin, telashe për Ronaldon në Arabinë Saudite, kërkohet arrestimi i futbollistit (VIDEO)
20 Prill 2023, 18:05
