POP 5

Lajmet më të lexuara të 5 minutave të fundit

Sport

EURO 2020/ Sot nisin ndeshjet e dyta në grupe, Italia për kualifikim ndaj Zvicrës! Sfidat e tjera Turqi-Uells dhe Finlandë-Rusi

Sot nisin ndeshjet e dyta në grupe për Euro 2020. Italia pret në mbrëmje Zvicrën dhe me një fitore kualifikohet në 1/8. Ndeshja tjetër e grupit A është Turqi-Uells. Për grupin B në orën 15:00 luhet Finland-Rusi.

Sot nisin ndeshjet e dyta në grupe të Euro 2020. Në grupin A sfida që spikat është ajo e mbrëmjes në Olimpico mes Italisë dhe Zvicrës. Të kaltrit pas fitores në ndeshjen e parë ndaj Turqisë janë sonte përpara një testi të vërtetë për të parë se sa larg mund të shkojnë. Dhe objektivi minimal është faza e 1/8 të cilën Italia e arrin me një fitore ndaj Zvicrës. Trajneri Roberto Mancini thotë se skuadra e tij duhet të bëjë një ndeshje të madhe pasi Zvicra për Italinë ka qenë historikisht një rival i fortë. Vetëm një ndryshim do të bëjë në formacion Mancini ku vendin e Florenzit në të djathtë të mbrojtjes do ta zërë Toloi dhe dhjetë të tjerët do jenë ata që mposhtën Turqinë.

E udhëhequr nga shqiptarët Granit Xhaka e Xherdan Shaqiri Zvicra do të kërkojë patjetër pikë sonte ndaj Italisë. Helvetët barazuan ndeshjen e parë me Uellsin dhe një humbje thuajse i nxjerr jashtë. Trajneri Petkovic kërkon që ekipi i tij së pari të frenojë entuziazmin e të kaltërve. Nuk priten ndryshime në formacion krahasuar me ndeshjen e parë dhe në majën e sulmit të Zvicrës do jenë Seferovic e Embolo.

Më herët në orën 18:00 Turqia përballet me Uellsin në Baku. Turqit duan të harrojnë humbjen e ndeshjes së parë dhe trajneri Gunes vlerëson shumë mbrojtjen e britanikëve por thotë se skuadra e tij do kërkojë t’i fitojë të dyja ndeshjet e mbetura. Në formacion e turqve nuk pritet të ketë ndryshime.

Ndërsa Uellsi pas pikës së marrë në sfidën e parë të grupit A ka filluar të bëjë llogari. Trajneri Rob Page kërkon fitoren sot ndaj Turqisë dhe sqaron se me katër pikë skuadra e tij ka shanse të mëdha për të kaluar turin. Lojtarët kryesorë Bale e Ramsey pritet të udhëheqin skuadrën./ Përgatiti Andi Kapxhiu

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Humbi jetën pasi ra nga 10 metër lartësi në vendin e punës, zbulohen detaje të reja lidhur me 41- vjeçarin shqiptar në Itali

Humbi jetën pasi ra nga 10 metër lartësi në vendin e punës, zbulohen detaje të reja lidhur me 41- vjeçarin shqiptar në Itali

24 Nëntor, 09:15