Eurobondi 650 mln €, Basha: Shqipëria e zhytur në borxhe, kryeministri mburret se merr një të ri

TIRANË- Pas postimit të Ramës ku komentoi për Eurobondin duke theksuar se Shqipëria është vlerësuar në mënyrë spektakolare në tregjet ndërkombëtare, Basha reagoi se Shqipëria është e zhytur në borxhe kurse kryeministri mburret se merr borxh të ri.

Përmes një postimi në Twitter ai shkruan se vendi ynë është me nivel borxhi 74%, me detyrime të prapambetura 600 mln euro, me koncesione abuzive 2,2 mld euro dhe me krizën më të thellë ekonomike me rënie 9%. Basha shton se sipas tij ka ardhur koha për ta larguar RAMAVIRUSIN që ka zhytur ekonominë në krizën më të thellë.

"Shqipëria e zhytur në borxhe kurse KM mburret se merr borxh të ri!!! Me nivel borxhi 74%, me detyrime të prapambetura 600 mln euro, me koncesione abuzive 2,2 mld euro dhe me krizën më të thellë ekonomike me rënie 9%, sot mburret se po i shton çdo shqiptari edhe një barrë të re! Ka ardhur koha për ta larguar RAMAVIRUSIN që e zhyti ekonominë në krizën më të thellë, që mbylli bizneset, shpunësoi e largoi shqiptarët. Ka ardhur koha për të parë përpara dhe për ta bërë Shqipërinë vend normal e të zhvilluar", ka shkruar Basha.

Në datë 4 qershor Kuvendi miratoi ligjin për daljen në tregjet ndërkombëtare për Eurobondin, ndërsa pas komunikimit me Presidentin Meta, ky i fundit e dekretoi menjëherë. 650 milionë euro është vlera që vendi ynë kërkon në tregjet ndërkombëtare në formën e eurobondit, 250 milionë euro për të financuar Eurobondin e marrë në vitin 2015, që ishte në vlerën e 450 milionë euro me normë interesi 5.75% dhe që i mbaron afati i shlyerjes në 12 nëntor 2020, ndërsa pjesa tjetër për tërmetin që goditi Shqipërinë vitin e kaluar dhe shpenzimet.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Rahman Gashi: 09/06/2020 21:36

    Lulush Kokoshi

    Përgjigju
  • O tej: 09/06/2020 21:03

    7x7=42...,..,,,, ti je kandar qe se ke shoqin

    Përgjigju
  • Ben Tironci: 09/06/2020 20:23

    U cove nga gjumi o pogace.... shko e boj cicin tani

    Përgjigju
  • Sondazhi i ditës:

    Kë mendoni se do të favorizojë votimi i emigrantëve në zgjedhjet e ardhshme?



×

Lajmi i fundit

John

Moska: Anijet e huaja do të mund të largohen nesër nga Mariupol