Skandali është zbuluar në vijim të një investigimi të nisur nga “BIRN”, mbi kontratat lobuese të firmosura nga PD në Uashington. Njëra nga këto kontrata, siç dëshmon edhe dokumenti i siguruar nga “Lexo.al”, është nënshkruar me “Muzin Capital Partners LCC”.
Ky dokument është pjesë e deklarimit financiar të bërë nga kompania, për llogari të autoriteteve tatimore amerikane. Në këtë ekstrakt, shihet se si Partia Demokratike e Shqipërisë ka derdhur për llogari të kësaj firme, 675 mijë dollarë amerikanë. Ekstrakti gjithashtu tregon se si janë ndarë fitimet, tek disa prej drejtuesit më të mëdhenj të kësja firme.
Këto të ardhura, në kundërshtim me ligjin, nuk janë bërë asnjëherë publike nga ana e Partisë Demokratike.
Megjithatë, skandali më i madh, nuk i përket evazionit fiskal apo shkeljes së ligjit për financimet elektorale në Shqipëri. Pak kohë, pas firmosjes së kësaj kontrate, “Muzin” nënshkroi një kontratë lobimi me qeverinë e Katarit.
Kontrata u lajmërua edhe nëpër media, siç raporton ky shkrim i një të përditshme arabe në anglisht http://gulfnews.com/news/gulf/qatar/qatar-in-bid-to-boost-ties-with-israel-us-1.2086394
Skandali në këtë kontratë qëndron tek fakti që Katari, aktualisht është vendosur nën sanksione nga Shtetet e Bashkuara të Amerikës, disa vende europiane dhe disa shtete të Gjirit Persik, përfshi Arabinë Saudite dhe Izraelin, për lidhjet e drejtpërdrejta që familja mbretërore ka me disa organizate terroriste.
Katari është një prej financuesve kryesore të rebelëve huthi në Jemen, të cilët kanë rrëzuar qeverinë e ligjshme, duke provokuar një ndërhyrje të armatosur nga Mbretëria e Arabisë Saudite.
Gjithashtu, Katari ka mbështetur rritjen e Al Kaedës në Jemen dhe gjithashtu organizatën terroriste të Hamasit në Palestinë, çka ka bërë që marrëdhëniet midis Katarit dhe Izraelit të jenë tepër të tensionuara.
SHBA, një aleate e ngushtë e Izraelit, por edhe e Arabisë Saudite, ka bllokuar çdo transaksion financiar me Katarin, duke kërcënuar këtë shtet me bllokadë të plotë, përmes vendosjes në listën e vendeve që sponsorizojnë terrorizmin nëse nuk ndalon aktivitetin e financimit të këtyre organizatave.
Megjithatë, kjo nuk e ndaloi “Muzin Capital” që të firmosë një kontratë me sheikun e Katarit, në të njëjtën kohë kur, Katari firmosi me Rusinë një marrëveshje disa miliardëshe për blerjen e armëve ruse. Marrëveshja u raportua më parë gjatë muajit tetor nga agjensia ndërkombëtare e lajmeve, “Reuters”. https://www.reuters.com/article/us-russia-qatar-military/qatar-russia-sign-agreements-on-air-defense-supplies-idUSKBN1CV11E
Sipas mediave ndërkombëtare, dyshohet se “Muzin” ka luajtur një rol thelbësor, në ndërmjetësimin e kësaj marrëveshjeve, falë lidhjeve të saj në Kremlin. / Marrë nga LEXO.AL
Dokumenti
dy.b/shqiptarja.com
Lajme të tjera
-
Serbia intensifikon lobimin e saj në Perëndim
28 Korrik 2023, 16:56 -
Skandali i lobimit të Katarit në PE, zv. Presidentja jep dëshminë: I kërkova tim ati të merrte paratë nga shtëpia ime, nuk ishin të mijat
16 Dhjetor 2022, 21:26 -
Deputetët francezë kërkojnë komision hetimor për financimet ruse në politikë, akuzojnë partinë e Le Pen
24 Shtator 2022, 17:23 -
Dosja e SPAK, Petrit Vasili firmosi kontratat e lobimit të Metës me para të dyshimta, nuk u deklaruan në KQZ dhe ILDKP! Rrezikon të merret i pandehur
11 Korrik 2022, 16:26
-
Ato ditë kur presidenti ngjizte lobing me 700 mijë dollarë
22 Qershor 2022, 09:58
-
Gazetarja Xharra: Politikanët kanë paguar për lobimin e tkurrjes së Kosovës
8 Qershor 2020, 23:00
