Ministri i Mbrojtjes, Sandër Lleshi, së bashku me Drejtorin e Përgjithshëm të Policisë së Shtetit Ardi Veliu, ka inspektuar sot shërbimet në terren për zbatimin e masave të karantinimit. Pas inspektimit Lleshaj ka falenderuar qytarët që i janë përgjigjur thirrjes për të qëndruar në shtëpi, ndërsa ka vënë theksin te masat të cilat sipas Lleshajt kanë funskionuar.
Deklarata e Sandër Lleshajt:
"Falënderoj qytetarët që i janë përgjigjur thirrjes për të qëndruar në shtëpi. Kemi ardhur sot për të inspektuar masat e marra të zbatimit të vendimeve të qeverisë për karantinën masive që po aplikohet në gjithë vendin.
Konstatojmë me trishtim dhe kënaqësi që jemi të detyruar të kemi rrugë të zbrazura, të kemi një situatë që as nuk e kemi imagjinuar që do ta kishim në jetën tonë, por as që do të donim të ishte, por për fat të keq kështu duhet të jetë.
Me këtë rast gjej mundësinë të falenderoj të gjithë forcat e Policisë, të Ushtrisë, të Policisë Bashkiake dhe të agjensive të tjera, të cilat janë angazhuar për të realizuar këtë karantinë masive.
Por në radhë të parë dua të falënderoj qytetarët e Shqipërisë, qytetarët e Tiranës, të cilët me pjekuri dhe përgjegjshmëri të lartë, i janë përgjigjur thirrjes së qeverisë për të qëndruar në shtëpi, në mënyrë që të kontribuojë secili, për ta parandaluar, për ta ngadalësuar shpejtësinë e përhapjes së këtij virusi vdekjeprurës.
Dua të them që masat e marra deri tani janë zbatuar mirë, por dua të theksoj me forcë faktin që prapa këtij aksioni të madh qëndrojnë me qindra e mijëra punonjës të Policisë, të Ushtrisë, të Agjencive të tjera, Policia Bashkiake, pa përmendur ata që janë në frontin e parë, punonjësit e shëndetësisë.
Gjithë ky angazhim i madh ka mundësuar që masat të funksionojnë, megjithatë është shumë herët për të dhënë një sinjal optimizmi, ose një sinjal çlirimi nga masat, përkundrazi ne duhet të vazhdojmë më tej me një regjim të ashpër masash për arsye sepse edhe një person i vetëm mund të kontribuojë në frenimin apo në pengimin e përhapjes së virusit.
Jemi ende në fillim dhe duke qenë se jemi ende në fillim, gjithkush mund të kontribuojë për të realizuar një impakt të madh në parandalim.
Dua të theksoj edhe një gjë tjetër, se pas këtij angazhimi qëndron një përpjekje e madhe, do të thosha heroike, e shumë punonjësve, siç përmenda, të shërbimeve të ndryshme.
Dua të them se Policia e Shtetit është e angazhuar me një regjim jashtëzakonisht të lartë gadishmërie. Pothuajse gjysma e Policisë është në punë dhe gjysma pushon për të marrë punën pas gjysmës së parë. Pra, regjimi normal i punonjësve të Policisë së Shtetit sot është 12 orë shërbim dhe pjesa tjetër është rikuperim energjish për të filluar prapë.
Është një angazhim dhe një përpjekje e madhe. Të mos harrojmë që gjithë këta djem e vajza, punonjës të policisë, të ushtrisë apo të njësive të tjera, kanë edhe këta detyrime familjare, kanë familjarë, kanë fëmijë për t’u përkujdesur dhe për këtë arsye ndihem i angazhuar për të marrë të gjithë masat në mbështetje të tyre.
Jam i bindur dhe i qartë që qeveria do të vazhdojë të mbështesë me prioritet punën e të gjithë këtyre burrave dhe grave, djemve dhe vajzave, të cilët mundësojnë që në këto ditë shumë të trishta për vendin të kryejnë një shërbim që askush tjetër nuk mund ta bëjë.
Është e rëndësishme të theksoj që nesër për qytetarët do të vazhdojë regjimi nga ora 05:00 e mëngjesit deri në orën 13:00.
Dua t'u bëj thirrje dhe lutje të gjithëve që të kujdesen që këtë orar ta konsiderojnë si një orar, i cili është vetëm për të dalë dhe për të plotësuar nevoja jetike, kryesisht nevoja për ushqim dhe barna mjekësore.
Jo për gjë tjetër, nuk është kohë shëtitje nuk është kohë relaksi. Nuk është kohë takimesh me miq e me shokë. Por është kohë vetëm për të vajtur shpejt në dyqanin më të afërt, për të kryer nevojat më jetike për nesër, jo për të gjithë javën dhe për t'u kthyer në shtëpi me qëllim që të parandalojmë me çdo kusht grumbullimet.
Është jetike e përsëris dhe nuk është e tepërt ta përsëris, është jetike që në këtë fazë të hershme të përhapjes së virusit ne të shmangim kontaktet.
Çdo kontakt i shmangur mund të jetë një jetë e shpëtuar, mund të jetë një degë e re e përhapjes e prerë.
Prandaj, edhe një herë, dilni nesër vetëm për të kryer nevoja jetike për plotësim me ushqime dhe medikamente. Asgjë tjetër, as takime, as shëtitje, as kalim të kohës nëpër parqe, apo në vende të tjera publike. Vetëm një rrugë ka, nga shtëpia në dyqanin më të afërt dhe kthim po brenda në shtëpi.
Organet e policisë, organet e tjera, do të jenë të detyruara të ndërhyjnë në rast se qytetarët do të shpërfillin këto rregulla jetike për sigurinë e tyre dhe të afërmve të tyre."
Komente
Lajme të tjera
-
Ndarja nga jeta e Kadaresë/ Yzeiri: Iku një pjesë europiane e jona! Rudolf Marku: Nuk është problem Nobeli! Shkrimtarët e mëdhenj nuk e kanë këtë çmim
1 Korrik, 21:28 -
Kullat shqiptare dhe UNESCO
9 Dhjetor 2023, 22:23
-
Sandër Lleshaj: Kampet e mos mikpritjes së refugjatëve
8 Nëntor 2023, 17:00
-
Sandër Lleshaj: Me Hamasin apo me Europën?
11 Tetor 2023, 09:00
-
Sandër Lleshaj: Kosova nuk është Krimea
24 Shtator 2023, 20:35
-
Operacioni ‘Tempulli’, ish-ministri i Brendshëm në 'Kontrast': Si t’i presësh thonjtë krimit, të arrestuarit zëvendësohen brenda ditës
18 Shtator 2023, 19:14 -
DOSJA/ Kazinoja në Tiranë, edhe emri i Rebani Jaupit te 'Metamorfoza'! Oltian Bistri ‘i raportonte’ Pëllumb Gjokës: Se di pse ka frikë Rebo, ai lekët do marri! Na qenka ankuar edhe Lleshaj
4 Gusht 2023, 19:20 -
‘Mallkimi’ i Ministrisë së Brendshme, Balla drejtuesi i 6 në 10 vite qeveri ‘Rama’! Bledi Çuçi, i vetmi i shkarkuar! Dorëheqjet e Tahirit, Xhafajt dhe Lleshaj dhe Demiraj i PD në mes
10 Korrik 2023, 10:59 -
Pendesa e fisme gjermane dhe krenaria e përzishme serbe
22 Qershor 2023, 11:42
-
Sandër Lleshaj: Gjeni një numër telefoni Albin Kurtit
31 Maj 2023, 16:53
-
Zbardhet vendimi/ 2-8 vite burg kush përhap infeksione pa e ditur, Gjykata Kushtetuese rrëzon ndryshimet në Kodin Penal, ndëshkim vetëm për përhapësit e sëmundjeve me dashje
18 Janar 2023, 21:35
-
Komiteti i Ekspertëve nuk vendos testin për pasagjerët nga Kina: Sugjerojmë doza të treta dhe të katërta të vaksinës kundër COVID-19
30 Dhjetor 2022, 16:08
Gjall qeka ky Ali Kimiku se kisha nje muaj pa e par
PërgjigjuLleshaj sa gaz-virusi hodhe sot per shqipetaret qe kundershtojne Ramen ?
PërgjigjuMe ne fund pas 2 javesh u kujtuat te thoni nje fjale falenderimi per ata djem e vajza me uniforme qe sherbejne dite e nate.Me kete rast tu vije turp ju dhe parardhesve tuaj qe edhe pas 4 vitesh nuk keni zbatuar akoma ligjin per trajtimin ushqimor te policise se shtetit, tani me rastin e turneve 12 oreshe kur dyqanet e lokalet jane mbyllur si ushqehen ndersa sherbejne keta njerez zoti minister.Zoteri , policia nuk jane ata 5-6 njerez me kostume te shtrenjta e me Range Rover qe takoni cdo jave , ata jane gjinkallat qe hane ne kurriz te mijra milingonave qe mbushin rradhet e policise .
Përgjigjuduhen falenderuar se eshte situat e veshtire. por me te mbaruar emergjenca duhet te gjith te bejne testin e sjelljes dhe te qyteterimit se gjysma e uniformave jan te barabarte me gomeret.
PërgjigjuKoment i turpshem, ne vend te ndergjegjesimit me keta punonjes qe rrezikojne jeten e tyre dhe kryejne nje sherbim publik i fyeni.Ata do preferonin te rrinin ne shtepite e tyre po jane te detyruar nga detyra tu sherbejne njerezve, edhe ty o loni .