POP 5

Lajmet më të lexuara të 5 minutave të fundit

Kronikë

Falja/ Ja si shkelësit do të marrin mbrapsht lekët e gjobave, mjetet e sekuestruara, lejet e licencat, si veprohet nëse s'keni llogari bankare

Të gjithë personat dhe subjektet e ndëshkuara gjatë epidemisë deri në 17 prill do t’u kthehen pas vlera e gjobave, llojet e mjeteve të sekuestruara, lejet dhe licencat deri në datën 15 maj 2020.

Një ditë pas vendimit për faljen e të gjitha masave ndëshkuese me gjobë, sekuestrime etj., gjatë kohës së epidemisë, publikohen edhe procedurat e kthimit pas të gjobave dhe mjeteve të sekuestruara për shkelësit. Së pari, në vendimin e fundit, të botuar sot në Fletoren Zyrtare, theksohet falja e të gjitha masave ndëshkuese të vendosura nga autoritetet shtetërore, pa asnjë dallim, nga fillimi i epidemisë deri në datën 17 prill 2020, duke përfshirë edhe pezullimin e lejeve dhe licencave.

Akti normativ parashikon që gjoba e paguar nga individi, i kthehet këtij të fundit në llogarinë bankare. Paratë do të merren nga buxheti i institucionit, i cili ka arkëtuar shumën e gjobës, gjithnjë nëse gjoba është paguar. Personat që e kanë paguar gjobën dhe nuk kanë një llogari bankare, do të kontaktohen nga institucioni përkatëse që u ka vendosur gjobën, duke u kthyer paratë mbrapsht.

Të gjitha institucionet shtetërore duhet të bëjnë gati listat e personave ndaj të cilëve është vendosur masa administrative me gjobë, duke përfshirë shumën si dhe të dhënat e nevojshme për kthimin e saj, brenda datës 30 prill 2020. Kthimi i shumave pranë llogarisë bankare të personave të gjobitur bëhet brenda datës 15 maj 2020. Ministrat, bazuar mbi këtë akt normativ, do të hartojnë udhëzime më të hollësishme për kthimin e vlerës së gjobave.

Po si do veprohet me sekuestrimet? Akti normativ parashikon që të gjitha lejet, licencat dhe mjetet e bllokuara, duhet t’u kthehen individëve apo subjekteve brenda datës 15 maj 2020. Titullarët e secilit prej institucioneve shtetërore, që kanë vendosur masa administrative për bllokimin e mjeteve apo pezullimin e licencave dhe lejeve, duhet të nxjerrin udhëzime të posaçme për zbatimin e këtij akti normativ. Përfshirja e lejeve dhe licencave në aktin normativ, nënkupton se në faljen e vendosur nga qeveria, përfshihen edhe bizneset.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Uku Momlit: 18/04/2020 16:49

    Po gjobat/taksat lokale qe u ka vene pensionisteve dhe invalideve ne faturen e ujit per muajin Mars 2020 ne Elbasan,496 leke,si do bej Kryeministri,do tua rikthej??

    Përgjigju
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Pete Hegseth bën betimin si Sekretar i Mbrojtjes, mesazh ushtarakëve amerikanë: Do të jemi forca më e fuqishme dhe më vdekjeprurëse në botë

Pete Hegseth bën betimin si Sekretar i Mbrojtjes, mesazh ushtarakëve amerikanë: Do të jemi forca më e fuqishme dhe më vdekjeprurëse në botë

26 Janar, 07:43