'Famën e ke marrë nga Nora', Robert Berisha: Ajo ishte 5- vjeç kur unë dola në skenë

Këngëtari Robert Berisha ka komentuar edhe një herë deklaratat e bëra nga publiku se e ka marrë famën prej ish-bashkëshortes së tij, Nora Istrefit.

Teksa ishte i ftuar në podcast-in “Dheze mikrofonin” me Bini Diez, artisti pranon se Nora e ka ndihmuar të promovohet në Shqipëri, por emri i tij nuk ishte i panjohur në Kosovë.

“Unë në ’92, ’93 kur kam dalë në skenë, kur kam dalë në xhirimet e vitit të ri ska pasur as Youtube, as rrjete sociale, asgjë. Jo po ti e ke famën prej Norës. Nora ka qenë 5- vjeçe kur kam dalë unë në skenë, ama që ma ka dhënë një të shtyrë, po, sidomos në Shqipëri”, tha ai. 

LEXO EDHE:
'Nuk e dallonin nga partnerja', Robert Berisha flet për vajzën e madhe

Roberti shtoi edhe emra të tjerë që njiheshin në Shqipëri si Gili, Edona Llalloshi, Adelina Ismaili e të tjerë që kanë punuar për të depërtuar në treg ndërkohë që të tjerë, pavarësisht talentit, nuk mundën.

Për përphapjen e famës së tij në tregun shqiptar, ai sërish ia atribuon meritat Norës.

“Mua për në Shqipëri më ka dhënë një të shtyrë aq të mirë, e falenderoj përjetësisht”, tha ai.

S.B/Shqiptarja.com

TAG:
• Robert Berisha
• nora istrefi