Familja kanadeze udhëtim nëpër botë para se fëmijët të humbin shikimin! Prindërit me 3 fëmijë, 1 vit për të realizuar kujtimet

Një familje kanadeze ka nisur një udhëtim njëvjeçar rreth botës përpara se vajza, 12 vjeç, dhe djemtë, shtatë dhe pesë vjeç, të humbasin shikimin për shkak të një çrregullimi të rrallë gjenetik.

Kur çifti kanadez Edith Lemay dhe Sebastien Pelletier mësuan se tre nga katër fëmijët e tyre kishin retinitis pigmentosa, humbje e shikimit me kalimin e kohës, ata morën një vendim të rëndësishëm: nisën të bënin një turne botëror me plot “kujtime vizuale”.

Vajza e tyre Mia, 12, dhe djemtë Colin, 7, dhe Laurent, 5 vjeç, u diagnostikuan me sëmundjen e rrallë ku qelizat në retinë filluan të shpërbëheshin. Aktualisht nuk ka asnjë kurë apo trajtim efektiv për të ngadalësuar përparimin e gjendjes dhe çifti thekson se fëmijët e tyre mund të jenë “plotësisht të verbër nga mesi i jetës”.

Për CNN, Lemay tha se kur specialisti i Mia-s rekomandoi që ajo të krijonte “kujtime vizuale”, nëna kuptoi se ekzistonte një mënyrë vërtet e pabesueshme që ata mund të bënin këtë për të dhe për fëmijët e tjerë.

“Mendova, ‘Nuk do t’i tregoj asaj një elefant në një libër, do ta çoj për të parë një elefant të vërtetë. Dhe unë do ta mbush kujtesën e saj vizuale me imazhet më të mira, më të bukura që mundem”, tha Lemay.

Ajo dhe bashkëshorti i saj shpejt filluan të bëjnë plane për të kaluar një vit duke udhëtuar nëpër botë me fëmijët e tyre. Qëllimi i tyre është të fokusohen në pamjet – kafshët, florën dhe faunën – dhe të përjetojnë gjëra që nuk do të mund t’i bënin në shtëpi. Ata filluan udhëtimin e tyre në Namibi dhe më pas u nisën për në Zambia dhe Tanzani, përpara se të zbarkonin në Turqi për një muaj.

Familja më pas mori rrugën për në Mongoli de në Indonezi. Aktualisht nuk ka shërim për gjendjen, megjithëse ekspertët thonë se përdorimi i mjeteve ndihmëse për shikim të ulët dhe programeve të trajnimit për të rehabilituar shikimin e ri mund të ndihmojnë.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Qeveria shpërblim 5 mijë lekë për pensionistët, si e vlerësoni?



×

Lajmi i fundit

Tronditet Franca, gjenden të ngrira në një frigorifer trupat e dy foshnjave

Tronditet Franca, gjenden të ngrira në një frigorifer trupat e dy foshnjave