Pas grushtit të djeshëm në këshillin bashkiak, ka shpërthyer fantazia e shfrenuar e partisë së Sali Berishës dhe Ilir Metës. Ndërsa një ditë më parë, mbështetësit mediatikë, ishin në delir, pasi match-in e boksit ndaj Halit Valterit, pinjollit të një atentati të njohur, e kishte fituat Tedi Blushi, që sipas tyre na dolli i fortë, sot fabula ka ndryshuar.
Pikërisht si pasojë e nisjes së procedimit penal, që Halit Valteri, ka dërguar tek autoritetet përkatëse ndaj Tedi Blushit. Ndërkohë që krahu i djathtë i Metës, thotë se ka pasur tentativa për ta vrarë me armë zjarri brenda sallës së këshillit, gazetari në median e familjes Berisha, Bledian Koka, shkon edhe më tej, kur shkruan se ka pasur tentativa për të imituar atentatin ndaj Donald Trump në sallën e bashkisë Tiranë.
Koka, shkruan se Veliaj kishte veshur antiplumb, ndërsa në bashki ishin hequr dedektorët e armëve, e bashkia ka fshirë videot e regjistrimit të sallës. Një përfundim, i dalë dukshëm pa asnjë hetim apo vëzhgim paraprak, në një kohë kur procedimi penal po vijon dhe prokuroria sipas të gjitha gjasave do të hetojë me detaje të gjithë ngjarjen.
![](https://shqiptarja.com/template/img/NO_ALFA_Kuadrate shqiptarja.png)
Ngjarja e djeshme ishte e thjeshtë: kur po fliste Veliaj, çohet Tedi Blushi dhe i hedh dosjen me letra A4, e donte të dilte në podium. Aty është zënë me këshilltarin Halit Valteri, e drejtuesja e seancës Romina Kuko, ka mbyllur seancën. Kaq ka qenë e gjitha. Ku i nxorën njerëzit e Berishës dhe Metës faktet se është përgatitur atentat apo ka pasur njerëz të armatosur? Ku e dinë se Veliaj ka pasur antiplumb? E gjitha kjo është një logjikë që nuk mbështetet askund, e delirohet pa fre në budallallëqe të tilla, të cilat, ose bëhen për të fryrë opinionin me fake news, ose siç thoshte Frrok Çupi vërtet ka një skenar./TemA
Postimi i Bledian Kokes
Pse Erion Veliaj veshi dje antiplumb ne 40 grade celcius? Incidenti i djeshem ne mbledhjen e Keshillit Bashkiak te Tiranes rezulton te jete nje skenar i mireorganizuar qe ka synuar gjakderdhje live! Fotoja me poshte tregon se Erion Veliaj ne temperature 40 grade ka shkuar i veshur me nje xhup i cili poshte tij fsheh antiplumbin e ngjeshur pas trupitj! Pyetja eshte se per cfare i duhet antiplumbi Erion Veliajt ne godinen qe e kontrollon ne cdo milimeter qofte me kamera e po ashtu edhe me sikaret e tij besnike! Keshilltari i opozites Tedi Blushi foli sot per nje skenar te mireorganizuar i cili kishte si qellim gjakderdhje brenda keshillit bashkiak te Tiranes!
Dyshimet jane se permes 4 personave te paautorizuar brenda Keshillit Bashkiak, Erion Veliaj ka tentuar te imitoje atentatin e Donald Trump, por ne fund skenari ka deshtuar! Per te shtuar dyshimet mjafton fakti qe diten e djeshme si asnjehere tjeter detektori i armeve ne hyrje te Bashkise se Tiranes ishte hequr krejtesisht. Dyshimet shtohen edhe me shume per inskenimin ndersa Bashkia e Tiranes ka asgjesuar pamjet e kamerave te brendshme dhe ka derguar ne polici vetem nje porcion te videos ku Tedi Blushi godet Halit Valterin, kjo e markuar me logon e Report TV, megjithese ne sallen e keshillit nuk ka qene prezente asnje kamera! p.s...lajmi i mire i gjithe kesaj ngjarje, eshte qe qartazi Erion Veliaj eshte ne deshperim total!
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)