POP 5

Lajmet më të lexuara të 5 minutave të fundit

Media

Fatos Lubonja nderohet me
çmimin 'Princ Claus' në Hollandë 

Shkrimtari dhe gazetari i njohur, Fatos Lubonja është nderuar me çmimin “Princ Claus” për letërsi dhe gazetari.
Fatos Lubonja nderohet me<br />çmimin 'Princ Claus' në Hollandë 
Shkrimtari dhe gazetari i njohur, Fatos Lubonja është nderuar me çmimin “Princ Claus” për letërsi dhe gazetari. Lubonja është vlerësuar për kontributin e tij në luftën e vazhdueshme për demokraci, për të drejtat e njeriut si dhe për mbrojtjen dhe thënien e së vërtetës pa u trembur nga pushteti.

Fondacioni Princ Klaus i themeluar më 1996 me rastin e 70-vjetorit të lindjes së Princit Claus të Hollandës, i shquar për dedikimin e tij ndaj kulturës dhe zhvillimit, kanë nderuar edhe këtë vit arritjet e shquara në fushën e kulturës dhe zhvillimit. Çmimet u jepen çdo vit individëve shoqatave aktiviteti kulturor i të cilëve ka një ndikim pozitiv në zhvilimin e shoqërive të tyre.

Për vitin 2015 ka pasur një listë prej 105 të nominuarisht që janë reduktuar në një listë të shkurtër prej 38 vetash ndër të cilët janë zgjedhur 10 laureatët që kryesohen nga artistja fotografja iraniane Newsha Tavakolian. Çmimet do t’u dorëzohen laureatëve në 2 dhjetor 2015 në Pallatin Mbretëror, Amsterdam në prezencë të familjes mbretërore.

Teksti i raportit të komitetit për Lubonjën:

Fatos Lubonja është gazetar shkrimtar komentues televiziv dhe një lider i zërit kritik në vendin e tij që shpesh e shokon duke e futur në refleksione të domosdoshme. 17 vjet burg i akuzuar për agjitacion e propagandë dhe për akuzën e pjesëmarrjes në një organizatë disidente – vetëm sa ia kanë forcuar qasjen e tij ndaj demokracisë.

Në qeli ka shkruar “Ploja e Mbrame” një riinterpetim shumë intrigues i historisë së Edipit mbi Shqipërinë staliniste. “Ridënimi” përshkruan arrestimin e tij dhe labirinthin totalitarist. Pas lirimit kur shumëkush duartrokiste qeverinë e re të ashtuquajtur demokratike Lubonja ishte një nga ata që denonconte abuzimet ndaj të drejtave të njeriut duke përfshirë edhe ato ndaj persekutorëve të tij, ish funksionarë të regjimit të përmbysur.

Vazhdimisht objektiv në analizat e tij dhe duke ruajur pavarësi nga të gjitha partitë politike Lubonja flet kundër çdo keqtrajtimi dhe shtypjeje pavarësisht nga kush i kryen ato. Ai ka vënë në dukje mashtrimet dhe abuzimet e atyre që janë në pushtet ashtu sikurse edhe të atyre që synojnë t’i zëvendësojnë ata, si nga e majta edhe nga e djathta. Libri i tij gjysmë fiction “Apokalipsi i rremë” përshkruan përvojën e luftës së tij politike në 1997 dhe rënien e Shqipërisë në anarki.

Ai është kontribues i rregullt në gazeta dhe televizione si dhe boton revistën “Përpjekja” që merret me tema të tilla sensitive si ato mbi nacionalizmin shqiptar, identitetin dhe mitet, rritjen e një kapitalizmi oligarkik apo shkatërrimin i trashëgimisë arkitekurore të vendit.

Fatos Lubonjës i jepet ky çmim për përshkrimin luçid dhe me ndershmëri që i ka bërë në letërsinë e tij episodeve kyçe të historisë së Shqipërisë; për ruajtjen e integritetit intelektual dhe të pavarësisë në momente ekstreme, për luftën e vazhdueshme për demokraci, të drejta të njeriut, fjalën e lirë dhe të drejtën për të treguar historinë e vendit të tij në një kontekst ku liria mbetet ende e brishtë; për zgjerimin e hapësirës së debatit publik e krijimin e platformave për zëra të tjerë kritikë; si dhe për thënien e së vërtetës pa frikë ndaj pushtetit. /Panorama/
lubonja
Redaksia Online
(m.p/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04