POP 5

Lajmet më të lexuara të 5 minutave të fundit

Sport

Federata e Kosovës akuzon: Shqipëria po “grabit” lojtarët tanë

Federata Shqiptare e Futbollit ka kaluar në një nivel tjetër “të grabitjes” së lojtarëve kosovarë. Të paktën kështu pretendon sekretari i përgjithshëm i Federatës së Kosovës, Eroll Salihu
Federata e Kosovës akuzon: Shqipëria po “grabit” lojtarët tanë

Në mes sekretari i përgjithshëm i Federatës së Kosovës, Eroll Salihu

Vijon përplasja mes dy federatave të futbollit, asaj së Kosovës dhe së Shqipërisë. Për federatën kosovare, Federata Shqiptare e Futbollit ka kaluar në një nivel tjetër “të grabitjes” së lojtarëve kosovarë. Deri më tani bëhej fjalë për lojtarët e pavendosur kosovarë , ata që nuk kishin luajtur me asnjë përfaqësuese.

Por, së fundmi, FSHF ka nisur të kërkojë përforcime brenda strukturës së përfaqësueses së Kosovës. Më konkretisht, po kërkon kapitenin e Përfaqësueses U21 të Kosovës, Ardian Ismajli, që aktivizohet te Hajduku i Splitit. Kjo konfirmohet gjerësisht nga të gjitha palët, ndonëse secila ka versionin e vet, të kundërt me tjetrin.

Eroll Salihu, sekretar i përgjithshëm i FFK-së thotë se FSHF-ja e ka kontaktuar në lidhje me Ismajlin dhe i ka thënë se lojtari ka shprehur vetë dëshirën të luajë me Shqipërinë. Sipas Salihut, ligjërisht nuk është e drejtë. Ndërkohë, vetë lojtari mohon se ka shprehur dëshirën të luajë me Shqipërinë. Sipas tij, ai është kontaktuar menjëherë pasi Kosova U-21 ndali në barazim Gjermaninë (U-21) në kuadër të eliminatoreve për Europian.

Ismajli nuk tha nëse do të shkojë apo jo te Shqipëria, por tregoi se ende mban inatin për trajtimin kur përfaqësuesja A udhëhiqej nga Albert Bunjaki. Ndërkohë, trajneri i ri i Kosovës, Bernard Shalandes, ka thënë se Ismajli është në planet e tij për ndeshjet e verës dhe vjeshtës. Nuk përjashtohet mundësia që kjo të jetë edhe formë e presionit nga ana e lojtarit për të arritur më shpejt në përfaqësuesen A të Kosovës.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tomo: 11/04/2018 17:41

    Kjo nuk eshte grabitje zoteri por deshira e lojtarve per te luartur me shqiperin sepse ju deri dje nuk kishit squader

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu