Futbollisti i talentuar Taulant Xhaka përveç karrierës së shkëlqyer te skuadra e Bazelit është përkushtuar edhe në jetën private. Taulanti e ka vendosur ta kurorëzoj lidhjen e tij disa vjeçare me Arbnorën duke u fejuar.

Në profilin e “Instagramit” Xhaka ka postuar foto nga momenti i fejesës ku është duke prerë tortën me bukuroshen shqiptare.

Një e veçantë e fejesës është veshja e çiftit me ngjyrat e flamurit. Xhaka ka preferuar kostum ngjyrë të zezë dhe kollare të kuqe ndërsa Arbnora fustan të kuq.

Në fejesë ka marrë pjesë edhe vëllai Graniti i cili ka ndarë foto nga momenti i fejesës në profilin e tij.

Mësohet se ceremonia ka ndodhur para dy ditësh dhe si çdo event tjetër i familjes Xhaka, edhe ky ka qenë goxha private pasi është kuptuar tek sot, falë postimeve nga protagonistët.

[gallery]25288[/gallery]

Redaksia Online
Xh.F/Shqiptarja.com