POP 5

Lajmet më të lexuara të 5 minutave të fundit

Shëndeti

Fëmijët e transmetojnë më pak COVID-19, Gjeorgjina Kuli: Nuk mendohet mbyllja e shkollave fillore

Në varësi të situatës epidemiologjike në vend do të shqyrtohen dhe skenaret e mbylljes së pjesshme. Kështu tha anëtarja e komitetit të eskpertëve, profesoresh Gjerogjina Kuli, ndërkohë që bëri dhe një pasqyrim të situatës sa u përket fëmijëve të prekur nga covid-19.

Pavarësisht se pritej një rritje e rasteve me covid-19 gjatë muajve të dimrit, në vendin tonë kjo ndodhi që në tetor kur temperaturat ishin ende të larta dhe ende nuk ka ardhur gripi stinor.

“Akoma nuk ka ardhur virusi i gripit dhe ne përsëri patëm rritjen e rasteve. Momentalisht kemi infeskione respiratore, të ndryshme, shenjat janë njësoj si të shënjave të tjerë respiratore me temperaturë, shenjat e rrufës, kollë. Prandaj dhe vetë  ne mjekët klinikisht e e lemi të vështurë të bëjmë klinikisht diferencimin  e virozave. Prandaj, ne i izolojmë këta fëmijë, ju bëjmë tamponin” - tha Kuli

Shefja e shërbimit infektiv në pediatri, Gjerogjina Kuli tregon se fëmijët janë më pak infektues ndaj për këtë arsye nuk mendohet mbyllja e shkollave.

“Ka disa studime madje në një bazë të gjerë pacientësh që fëmijët janë më pak trasmetues, fëmijët e moshave të vogla. Do të përpiqemi në maksimum, nuk kemi dëshirë që të cënojmë mbyllja e shkollave fillore, ose 9 vjeçare. Me parametrat që kemi deri tani nuk bëhet fjalë për një gjë të tillë” - tha Kuli.

Që prej datës 1 tetor, ka një rritje të lehtë të rasteve pozitive tek moshat pediatrike, por është në proporcion me rritjen e përgjithshme të rasteve, cka tregon se hapja e shkollave nuk ka pasur ndikim negativ në kurbën e infektimeve.

Në total në vendin tonë janë infektuar 550 fëmijë ndërsa të shtruar aktualisht janë vetëm 5 por që nuk kanë sëmundje bashkëshoqëruese.

 “Momentalisht, tek pavioni jonë kemi 5 fëmijë të hospitalizuar. Kanë një Covid të komplikuar me bronkopneunomoni, me përfshirje të mushkrive ne infeksion" - tha Kuli.

Në pavionin COVID në pediatri ka kapacitet deri në 20 shtretër, ndërsa janë përgatitur skenaret nëse do të ketë nevojë për më tepër hospitalizime.

“Ne kemi 12 deri në 20 shtretër në dispozicion, janë dhoma që kanë kapacitet të madh por kemi edhe skenar të ndryshëm, që nëse do të mbushet pavioni i covidit do të hapen edhe pavione dhe shërbime" - u shpreh mjekja.

Si pjesë e komitetit teknik të ekspertëve, Kuli thotë se në varësi të situatës epidemiologjike do të shqyrtohen dhe skenarët e mbylljeve të pjesshme.

“Në varsëi të luhatjes, edhe të rritjes së pozitivitetit të monstrave sigurisht,  që shqyrtohen edhe skenarët e mbylljes të pjesshme të atyre aktiviteteve që cënojnë më pak aktivitetin e përditshëm, qoftë social apo të biznesit, ndoshta të kufizimit të bareve apo restoranteve por deri tani nuk kemi asgje konkrete" - u shpreh së fundmi mjekja pediatre.

Profesoreshë Gjeorgjina Kuli e vë theksin tek  ndërgjegjësimi i sjelljes së qytetarëve për ti bërë ballë valës së dytë të virusit.

E.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Rusia anashkalon sanksionet perëndimore, fillon përdorimin e Bitcoin në tregtinë ndërkombëtare

Rusia anashkalon sanksionet perëndimore, fillon përdorimin e Bitcoin në tregtinë ndërkombëtare

26 Dhjetor, 17:14