Festimet e shqiptarëve në Londër me bori, flamuj e fishekzjarre, paralizuan trafikun! 7 të ndaluar! Video tjetër

Mbi një mijë shqiptarë dolën mbrëmjen e 28 nëntorit në qendër të Londrës për të festuar 111 vjetorin e pavarësisë së Shqipëisë.

Me makina, fishekzjarre dhe bori shqiptarët kishin dalë për të festuar duke paralizuar në këtë mënyrë lëvizjen në të gjithë qendrën e Londrës. Kjo nxiti policinë londineze të ndërhyjë për të shpërndarë turmën dhe në disa raste të kryejë dhe shoqërime

Daniel Nikolla, aktivist shqiptar në Londër në një intervistë për Report Tv thotë se 7 persona janë shoqëruar dhe tregon se çfarë ndodhi mbrëmë në qendër.

Ne si ballkanas festuam në atë mënyrë që dimë. Shumica e aktivitetit ka qenë paqësore. Ajo që ndodhi mbrëmë ishte një moment kur policia ndërhyri për të larguar njerëzit të cilët bllokuan dhe paralizuan të tërë qarkullimin. Policia ndërhyri për ti shpërndarë. Me sa di unë janë 7 persona të shoqëruar“ tregoi Daniel Nikolla për emisionin "Sot Live në Shqipëri"

Daniel Nikolla tregoi se aktivitete të bukura përkujtimore të rastit u organizuan edhe nga shkollat shqiptare në Londër. Edhe statuja e Skënderbeut në Londër ka qenë plot me lule.

Ndërkohë Daily Mail ka publikuar video të reja ku duken shqiptarët të cilët nga festimet bllokuan qarkullimin në qendër të Londrës. 

 

S.G/KT/Shqiptarja.com

TAG:
• Londër
• 111 vjetori i pavaresise