POP 5

Lajmet më të lexuara të 5 minutave të fundit

Arkiva

Fier, hapësirat publike çlirohen nga ndërtimet e paligjshme

Fier- Një aksion i përbashkët i Inspektoriatit Ndërtimor lokal, Policisë bashkiake dhe Policisë së Shtetit, i nisur pak ditë më parë ka çliruar shëtitoren kryesore dhe qendrën e qytetit të Fierit nga ndërtimet e paligjshme.
Pas skadimit të afatit 15 ditorë të njoftimit për prishjen vullnetare, policia ka prishur më shumë se 27 kioska, 20 lokale dhe dhjetra shtesa pallatesh. Vendimi për prishjen e këtyre objekteve është marë nga Këshilli Bashkiak, për t'i hapur rrugë zbatimit të projektit për ristrukturimin dhe modernizimin e shëtitoreve kryesore të qytetit, projekt i financuar nga qeveria shqiptare në vlerën rreth 204 205 812 lekë.
Aksioni i policisë nuk ka qenë shumë i lehtë, pasi uniformat blu dhe ato të Policisë bashkiake dhe Inspektoriatit Ndërtimor janë ndeshur në shumë raste me kundërshtime nga administratorët e objekteve dhe përfaqësuesit ligjorë të tyre, pasi ata kanë argumentuar se disponojnë dokumentacionin e nevojshëm ligjor.
Kreu i Inspektoriatit, Ferdinand Muskaj, u shpreh se "vetëm 5 kioska nga të gjitha objektet e prishura do të përfitojnë dëmshpërblim".
"Shumë nga pronarët që disponojnë dokumente dhe pretendojnë se janë në përputhje me ligjin, nuk i kanë të rregullta.Ata mbase kanë në pronësi sipërfaqet e tokës, por jo objektet e ndërtuara mbi këto sipërfaqe", tha Muskaj.
Sipas tij, aksioni do të vazhdojë pa ndërprerje deri në prishjen e të gjitha objekteve, që cënojnë shëtitoren "Jakov Xoxa" dhe qendrën e qytetit.
Ai siguroi qytetarët se gjatë zbatimit të këtij aksioni nuk do të ketë as seleksionime dhe as abuzivitet.
Aksioni për prishjen e kioskave do të përfundojë brenda disa ditëve dhe paralel me të po bëhet pastrimi i inerteve dhe krijimi i mjediseve të gjelbëruara./ATSh/

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Ndikimi i Trump në Shqipëri, Galdini: Presidenca e tij do u dalë shtrenjtë politikanëve tanë! SPAK do trokasë në dyert e tyre

14 Janar, 22:55