FIER- Në shtator të 2020-ës u deshën 5 orë negociata me policinë, që 31-vjeçari Elton Meta të lëshojë nga duart kallashnikovin që i kishte vënë vetes duke kërcënuar se do të vetëvritej, në oborrin e shtëpisë së ish-bashkëshortes së tij, pasi i kishte terrorizuar familjarët. Por mbrëmjen e këtij 10 shtatori, nga arma automatike dolën plumba që i morën jetën nënës së vajzës së tij, Sabrina Bengaj, 23-vjeç.
Ishte ora 22:50 kur Elton Meta i shkoi sërish në shtëpi në fshatin Zhupan. Xhelozia, apo fakti që nuk e linte të takonte të bijën, e çuan sërish të nervozuar Elton Metajn në derën e shtëpisë së vjehrrit të tij. Veçse këtë herë, me vete mbante dhe mllefin që më shtator të 2020-ës, u fut në burg për hir të këtij konflikti. Pas 3 orësh ndjekje, policia mundi ta vë në pranga 31-vjeçarin në një zonë të pyllësuzar në fshatin e tij, Peshtan, me armën e krimit në duar, ndërsa u sekuestua dhe motorin me të cilin u largua nga banesa e ish-vjehrrit.
Sipas autoririteteve, Elton Metaj, ka qenë arrestuar edhe më herët për dhunë në familje, armëmbajtje pa leje dhe kundërshtim të forcave të policisë. Por e ndjera, për hir të vajzës së vogë, kishte duruar dhunën psikologjike e fizike të bashkëshortit të saj. Vëllai i viktimës, Armando Bengaj thotë se Eltoni kishte kërcënuar edhe vetë atë për ta vrarë, ndërsa gishtin e fajit ia drejton gjykatësve dhe prokurorëve që nxorrën nga burgu njerëz të tillë.
"Fajin e kanë gjykatësit dhe prokurorët e korruptuar që nxjerrin njerëz kriminelë. Ai më kishte kërkuar dhe mua për të më vrarë, më tha gruaja që e kam shtatzënë, ai ishte një frikacak që të vriste pas krahëve. Motra nuk ishte vetëm, ishte dhe mamaja, i tha “të dalë motra”, mami i kishte thënë “ik”. Motra sa erdhi nga puna, hëngri bukë dhe e vrau, plumbi e kishte kapur në mushkri", tha i vëllai.
Ndërkohë në një bisedë telefonike për Report Tv, avokati i Elton Metës, Kutjim Cakrani, tha se 3 ditë më parë ai ishte kërcënuar nga ish-vjehrri dhe se këtë shqetësim e kish shprehur përballë avokatit.
“Pasi na kërkoi ndihmë, i sugjeruam të shkojë në polici të bëjë kallëzim pasi u shpreh se vjehrrit e kërcënoi duke i kërkuar t’i rrijë larg vajzës së tij tashmë që janë ndarë, ndërsa vetë Meta pretendonte se flite me Sabrinën dhe duheshin ende” tha më tej avokati.
Autori Elton Metaj
Viktima Sabrina Bengaj
VIDEO/ Vëllai i viktimës
Detaje të reja kanë dalë në dritë nga vrasja të resë Sabrina Bengaj nga ish-burri i saj, Elton Metaj. Report Tv mëson se 23-vjeçarja ishte pajisur me urdhër mbrojtjeje nga 14.10.2020, deri ne datën 14.10.2021. Pra pas një muaji, Sabrinës i përfundonte urdhri i mbrojtjes, mirëpo ndonëse e kishte një urdhër të tillë, nuk arriti që ta mbronte nga marrja e jetës. Vendimin për t’u pajisur me urdhrin e mbrojtjes e ka dhënë gjyqtari Alfred Konomi.
.jpg)
.jpg)
Në janar, prokurori i çështjes, Çlirim Sina pa pasur pretendim nga familjarët apo i pandehuri, ka kërkuar në gjykatë që Elton Metaj të mos qëndrojë në qelinë e paraburgimit të Fierit, por të shkojë në spitalin e burgut të Zaharisë, për ata që janë me probleme të shëndetit mendor, bazuar mbi një ekspertizë nga mjekë të Institutit Ligjor.
Mbi provat e paraqitur, gjykata e ka pranuar kërkesën dhe Elton Metaj është shtruar në spitalin e burgut të Zaharisë.
Avokati Kujtim Cakrani ka apeluar vendimin në Gjykatën e Apelit të Vlorës, duke thënë se Elton Metaj nuk është sëmurë dhe duhet të dënohet sipas ligjit, por Gjykata e Apelit e la në fuqi vendimin e shkallës së parë.
Kështu, Elton Metaj qëndroi 6 muaj në spitalin e burgut në Zaharisë, që do të thotë se u shua përgjegjësia penale për veprat e kryera mbi argumentin se ka probleme të shëndetit mendor, pra nuk dënohej më me burg.
Por pasi gjendja e tij ishte e mirë – mbrojtja e Elton Metajt i kërkoi gjykatës që të linte spitalin e burgut dhe të merrte shërbim ambulator në shtëpi.
Gjykata caktoi ekspertë të mjekësisë të Institutit Ligjor dhe vendosi që Metaj të marrë shërbim ambulator në shtëpi, që do të thotë se shkon në qendër shëndetësore për të marrë ilaçe depresive të momentit, por që nuk përbën kërcënim për shoqërinë apo rrethin familjar. Çdo 1 muaj, Metaj shkonte në qendër shëndetësore të fshatit që kryente veprimet.
Ndërsa gjatë kohës së qëndrimit në burgun e Zaharisë, avokatët e tij kanë bërë edhe procesin e divorcit pasi Sabrina Bengaj, kishte kërkuar të ndahej prej tij, dhe ajo mbajti dhe vajzën.
Sipas avokatit Kujtim Cakrani, Elton Metaj fliste në telefon kur ishte në spital me vjehrrin dhe me nusen dhe me vajzën. Dhe tani që doli, takohej me gruan.
Avokati Kujtim Cakrani për Report Tv thotë se Metaj e kishte telefonuar dhe i kishte thënë se e ka kërcënuar vjehrri ku i kishte thënë se duhet të qëndronte larg vajzës së tij sepse ishte i ndarë.
Policia ka sjellë pamje nga momenti i arrestimit të 31-vjeçarit në Fier, pasi vrau ish-gruan e tij, Sabrina Bengaj. Ai fshihej në pyll në fshatin e tij e ndërsa mbante me vete edhe kallashnikovin me të cilin i mori jetën nënës së fëmijës së tij.
Nëna e Elton Metajt është shprehur se nuk ka pasur dijeni për aktin që mund të kryente djali i saj, madje është shprehur e habitur duke thënë se ata duheshin. Ajo thotë se dhimbja për të është madhe, pasi e ka rritur vetë Sabrinën. Ajo thotë se i druhet një hakmarrjeje.
“E donte me kohë. Ai fliste në telefon me atë, e donte, nuk e di se çfarë e ka shtyrë që ta vriste, po ta dija nuk do e ndodhte. Nuk e ka takuar në burg. Nuk ka pasur armë në shtëpi, kush ia ka dhënë që të përgjigjet, armët sheshit janë se ku e ka marrë, ku e bleu. S’ka ardhur në shtëpi pas ngjarjes, policia po. Ata duheshin, nuk e prisja të ndodhte kjo, më vjen keq se e rrita vet, se mua më ka ikur dhe im bir bashkë me të. Frikë për një hakmarrje? Po edhe kanë të drejtë. Është e njëjtë dhimbja, si për ata si për mua, se e mora 13 vjeçe”, tha nëna.
Arrestohet autori që ekzekutoi ish-gruan e tij 23-vjeçare në Fier.
"Kapet në kohë rekord dhe arrestohet nga Policia autori i vrasjes së ish-bashkëshortes në fshatin Zhupan mbrëmjen e djeshme.
Pas 3 orë ndjekjesh në kushte të vështira për shkak të errësirës dhe rrezikshmërisë që kishte ky person pasi ishte i armatosur, u kap nga Policia në një zonë të pyllëzuar në fshatin Peshtan autori bashkë me armën e krimit.
Pas marrjes së njoftimit se në fshatin Zhupan, në banesën e ish-vjehrrit, shtetasi Elton Metaj ka vrarë me armë zjarri ish-bashkëshorten e tij, shtetasen S. B., menjëherë në vendngjarje shkuan shërbimet e Policisë dhe organizuan punën për kapjen e autorit i cili ishte larguar nga vendngjarja me një motomjet.
Pas 3 orësh ndjekje, nga strukturat e DVP Fier, Forca Operacionale, Forca e Posacme "Shqiponja", shërbimet e Komisariatit të Policisë Fier në bashkëpunim dhe me 2 grupe të FNSH Fier, falë veprimeve të shpejta, të mirëorganizuara dhe profesionale, u bë i mundur lokalizimi dhe kapja e autorit në një zonë të pyllëzuar të fshatit Peshtan, bashkë me armën e krimit automatik dhe motomjetin me të cilin u largua nga vendngjarja të cilat u sekuestrua në cilësinë e provës materiale.
Në vijim të veprimeve, specialistët për Hetimin e Krimeve në Komisariatin e Policisë Fier, arrestuan në flagrancë për veprën penale "Vrasja për shkak të marrëdhënieve familjare" shtetasin Elton Metaj, 31 vjeç, banues në Peshtan( i dënuar më parë për veprat penale "Armëmbajtja pa leje" , "Kundërshtim i punonjësit të policisë" dhe "Dhunë në familje" ).
Materialet do i kalojnë Prokurorisë pranë Gjykatës së Shkallës së Parë Fier për veprime të mëtejshme", njofton Policia.
Komente
Lajme të tjera
-
E rëndë në Itali/ Shqiptari mbyt gruan në sy të 2 fëmijëve të mitur 4 e 6 vjeç, arrestohet! Rrëfimi i djalit në kamera: Babi vrau mamin! (EMRI)
9 Tetor, 09:09 -
EMRI/ Parandalohet krimi në familje në Vlorë, kanos gruan dhe qëllon me 'kallash' në ajër! Policia e kap në ndjekje, i sekuestrohet dhe kanabis! Momenti kur e shtrin përtokë
21 Shtator, 12:57 -
Tiranë/ Krim në familje, 32-vjeçari plagos me thikë bashkëshorten pas sherrit, Policia e arreston
11 Shtator, 11:14 -
Masakra në familjen italiane, 17-vjeçari thotë se i vrau vetë babanë, nënën dhe vëllanë: Më duhej të çlirohesha
2 Shtator, 21:58 -
Krim i rëndë në Itali, 17-vjeçari vret babanë, nënën dhe vëllanë 12-vjeçar! Mister shkaqet, ngjarja pas festimit të ditëlindjes së të atit
1 Shtator, 20:37 -
Parandalohet krimi në familje në Durrës, 53-vjeçari përleshet me 2 vëllezërit e tij, njëri plagoset! I gjenden armë e silenciator, të tre në pranga (Emrat)
10 Gusht, 14:58 -
Vrau babanë, zbardhet dëshmia e djalit: Ishte xheloz dhe me probleme mendore, pashë si nëna dha frymën e fundit!
10 Gusht, 13:20 -
Krim i rëndë në Konispol, burri vret gruan me sëpatë! Djali e shtyn nga shkallët pas sherrit, vdes dhe 69-vjeçari, arrestohet 40-vjeçari (EMRAT)
6 Gusht, 08:47 -
Në grua vritet në Pejë, arrestohet bashkëshorti
16 Prill, 09:15 -
Krimi në familje, kambanë alarmi! Dom Artur Jaku: Shkak analfabetizmi e teknologjia! Komunitetet fetare në Shkodër: Të ashpërsohen ligjet
3 Mars, 15:54
-
19-vjeçarja vrau babain në Durrës/ Të ftuarit në “Përballje” ngrenë alarmin për shkërmoqjen e familjes
23 Shkurt, 16:00 -
A e vrau vajza të atin? Misteret që fshihen pas krimit të rëndë në Durrës, 5 pyetjet që ende s'kanë përgjigje
23 Shkurt, 14:34
Si,a e kuptova mire ?Nena e vrasesit thote qe e paska marre nuse 13 vjec,akoma femije!Ne cilin vend te botes se civilizuar shteti lejon nje martese te tille?! Gruaja e re bente shume mire qe nuk ia lejonte te takonte femijen,ky njeri ishte shume i rrezikshem dhe e tregoi me ne fund cfare maskarai ishte.
PërgjigjuMos beni llafe neper portale e intervista, vrisni gjyqtarin e korruptuar. Vetem kshu vihet ne vend drejtesia.
PërgjigjuPo si ia ze goja kur ata e futen ne dhe e se lane te rritet,ishte kalama akoma,vetem 5 vjet ne moshe madhore. Si lejuan vehtes mos te ndalonin cmendurine e atij qe pollen,perbindeshit qe edukuan,por e mbrojten kur kishin mundesi te shpetonin vajzen e huaj dhe djalin e tyre njekohesisht,sepse ne krim marrin pjese te gjithe,ata qe e mbulojne dhe ata qe e zvogelojne. Te kerkojne falje para zotit e para robit se nje familje me principe e dorezon vete femijen para se te shkaktoje gjeme. Skam fjale per keta njerez qe rrisin kriminele te tille dhe e quajne normale nje jete me perbindesha nen strehe.
PërgjigjuPer lala. Ketu eshte gabimi,sepse ajo e dinte si ishte dhe ai e vertetoi natyren e tij. AI SDUHET E SDO TA SHOHE KURRE FEMIJEN,SEPSE KUR SJE NJERI SMUND TE JESH BABA
Nuk I heq asnje presje atyre qe thua.por duhet te dish edhe qe personi qe kreu vrasjen nuk u lejonte te shitje e te premte femijen e tij.nese he prind duhet ta dish qe te iken mendja e te terren syt nese ish bashkeshorti te privon nga e drejta jote prinderore.sdua ta mbaroj personin dhe shpresoj tja hedhin celsat ne det e te mos Dali me...por faji ketu me sa lexova ka shum fajtor. E nder to esht edhe e ndjera. E si I thon kur je gjall te thon shum gjera e ndersa kur vdes harron te gjitha e kujtohen vetem te mirat