“Kur i bën gropën shokut bie vet” kjo është një shprehje popullore shqiptare, e cila zë vend në një rast të pazakontë në qytetin e Fierit.

Një 47-vjeçar me iniciale A.Sh në bashkinë e Roskovecit ka telefonuar dy herë policinë rajonale për të kallëzuar se vëllai i tij 43 vjeç ishte duke vjedhur energji elektrike. Policia ka shkuar menjëherë për të bërë verifikimin por nuk ka rezultuar se diçka e tillë ndodhte.

Sipas burimeve të policisë 47-vjeçari e kishte bërë këta pasi prej disa vitesh kishte një konflikt pronësie me të vëllain e tij.

Tashmë shtetasi me inicialet A.SH do të procedohet penalisht në gjendje të lirë për kallëzim të rremë.

Redaksia Online
(Gre.M/Shqiptarja.com)