Filmi ‘Pikë uji’ përfaqëson Shqipërinë në OSCAR ‘International feature film’

‘Pikë Uji’ zgjidhet si filmi përfaqësues i Shqipërisë, në kategorinë "International Feature Film" në edicionin e 97-të të Çmimeve OSCAR.

Pas thirrjes së hapur nga Qendra Kombëtare e Kinematografisë, aplikoi vetëm shtëpia kinematografike ERA FILM me filmin artistik me metrazh të gjatë «Pikë Uji», me regji nga Robert BUDINA.

Komisioni votoi unanimisht pro kandidaturën e paraqitur nga shtëpia kinematografike ERA FILM për filmin "Pikë Uji" si përfaqësues i Shqipërisë, në kategorinë "International Feature Film në edicionin e 97-të të Çmimeve OSCAR®️".

“PIKË UJI” — Një thriller emocionues që zbulon çmimin e vërtetë të pushtetit dhe dashurisë prindërore.

Aida, ka arritur majat e pushtetit në qytetin e saj. Para, influencë, karrierë — ajo i ka të gjitha. Por çfarë ndodh kur një krim i papritur kërcënon të shkatërrojë gjithçka?

Kur djali i saj Marku përfshihet në një akuzë të rëndë, bota e Aidës fillon të lëkundet. Sa larg do të shkojë Aida për të mbrojtur të birin?

Regjia: Robert Budina

Skenaristë: Robert Budina, Doruntina Basha, Ajola Daja

Me: Gresa Pallaska, Arben Bajraktaraj, Adem Karaga, Paolo Janku, Gerhard Koloneci.

Një bashkëprodhim ndërkombëtar nga: Erafilm Shqipëri, Avanpost Rumani, Redibis film Itali, Iliria film Kosovë, Manufaktura Production Maqedoni e Veriut.

Financuar nga: Qendra Kombëtare e Kinematografisë, MIBAC, QKK Kosovë, Agjencia e Filmit e Maqedonisë së Veriut, Creative Europe Media, SEE

SI.E./Shqiptarja.com

TAG:
• pike uji
• edmond budina