Fitorja e Giorgia Melonit/ Berberi dhe Ballo: Do ndikojë te shqiptarët në Itali, te njohja e pensioneve dhe dhënies së nënshtetësive

TIRANË- Fitorja e Giorgia Melonit në Itali do të ketë ndikime edhe të komuniteti i shqiptarëve atje. Gazetari shqiptar që punon për ‘Corriere Della Sera’, Leonard Berberi dhe aktivistja shqiptare Geri Ballo tha se kjo fitore do të ketë pasoja negative te marrëveshja e pensioneve mes dy vendeve, si edhe procedurat e dhënies së nënshtetësive. Në një intervistë në ‘Studio Live’ me gazetarin Arbër Hitaj, Berberi dhe Ballo tha se janë të shqetësuar pasi mendojnë se pensionet nuk do jenë prioritet i qeverisë së re në Itali.

“Jam shumë e shqetësuar, ne kemi bërë një punë, por mund ta humbi, sepse mungon firma e delegatëve të 2 qeverive të formuar nga 2 kryenegociatorët e 2 palëve në Shqipëri, pro mungon firma dhe ratifikimi në parlament. Mbetet për t’u parë nëse do ketë vullnet që ta cojnë deri në fund apo jo, ne si komunitet do bëjmë cmos që kjo temë të jetë nga temat në axhendë, por nuk mund ta garantojë që kjo do të ndodhë”, tha Ballo.

“Ka një lloj shqetësimi edhe në BE, komuniteti shqiptar është një nga komunitet më të integruara, ka 400 mijë shqiptarë që presin nënshtetësinë italiane, nuk ka një mendim që kanë pasur më parë si protagonist të vjedhjeve.  Pensionet? Kur do kemi probleme ekonomike në vijim, pensionet për shqiptare do të jetë jo prioritet për qeverinë e Melonit”, u shpreh Berberi.

Në Shqipëri ka pasur një lloj ekzaltimi nga partitë opozitare, madje vetë Sali Berisha është shprehur se i njëjti rrugëtim do të ndodhë edhe në Shqipëri, por për Berberin dhe Ballon, 2 realitetet nuk kanë asnjë ngjashmëri.

“Fillim sinergjie mes partive të djathtës shqiptare dhe populiste në Europë, në vitet e fundit kam dëgjuar shumë ekspontentë duke filluar nga Sali Berisha, kundër Soros apo eksponentëve që janë protagonist të debatit ndërkombëtar që janë të njëjtat fraza që dëgjon nga Partia Republikane, është organizative apo idelogjike, do të shihet. Është një entuziazëm që nuk reflekton realitetit, elektorati Italian dhe sistemi politik është shumë i ndryshëm nga Shqipëria”, tha gazetari shqiptar.

“Janë shumë ndryshe, nga një këndvështrim shqiptar kuptohet entuziazmi se ato mundohen që të kenë referentët e tyre Europian dhe të ndjekin ide, parrulla apo propozime nga Europianët, por më duket shumë e sforcuar, vetëm të mendosh që e djathta që ka triumfuar në Itali rrjedh nga Partia Fashiste,. E ndërsa e jona ka totalisht një tjetër histori” , shtoi aktivistja.

Në fund, për Berberin teksa analizoi fushatën elektorale të Melonit, tha se fitorja e saj ka të bëjë më tepër me gabimet e partive të tjera.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Milano: 27/09/2022 01:02

    Kjo eshte lajm super për Shqiptarët ne Itali se do bëhen me leke Sikur në vitet 2000 që për 3-5 vjet kane blere shtepi ! Por fitorja e Melonit eshte lajm i keq për afganet sirianet dhe kompanine afrikane që mbushi Italinë , shume shpejt levizja Meloni do perhapet në shqiperi dhe e djathta me qendren ka shanse të rrisin ekonomine shume me shume , sot europa ka € në vleren me te ulet dhe nuk eshte faji i të djathtes por i të majtes! Shqiptarët jane evropiane dhe frike skane Pse të kene Shqiptarët por jo evropianet pasi Meloni pritet të aktivizoje operacionin fshesa për emigrantet Afrikan të paligjshem dhe kudo ! Me kete lajm ne Itali brenda 3-4 vitesh Italia bëhet super fuqi ekonomike ! Pas 100 vitesh nuk bëhen muhabetet e perpara 100 viteve pra ndryshon loja dhe Italia Mesa duket do marrë vendin e USA duke u bere vendi me i zhvilluar në bote ! Meloni ngjan me Merkel prandaj jane me shkronjen “M” ngaqe pritet super ekonomi për italine ! Urime pasi vendimi popullit mbetet vendimtar !

    Përgjigju
    • Bim: 08/10/2022 15:09

      Ke pire gje ti milano sepse nqs Italia behet vendi i pare ne bote ,me siguri e dyta do te jete shqiperia Extremi i djathte shtylle kurrizore ka urrejtjen ndaj emigranteve te te gjithave ngjyrave.Pse ty si emigrant te duket vetja me i fisem se nje emigrant afgan? Ke degjuar gje ne milano ti per mafia afgane?Ke pare gje filma ti me mafioze ku ne çdo tre filma te mos permendet krimi shqiptar?Prandaj mos fluturo me presh ne b....

  • Sondazhi i ditës:

    Jeni dakord me propozimin e Berishës që votimi të bëhet i detyrueshëm?



×

Lajmi i fundit

Miqësoret/ Gentian Mezani rikthen Laçin te suksesi, triumfojnë Kukësi dhe Tirana

Miqësoret/ Gentian Mezani rikthen Laçin te suksesi, triumfojnë Kukësi dhe Tirana