Floriana Garo një romancë të re?
Shpërthen ish-kunata në Facebook

Pak javë më parë, përfundimi i lidhjes 5-vjeçare të Floriana Garos dhe partnerit të saj, Tedi Ngjelës, ishte në qendër të vëmendjes së mediave rozë. Menjëherë pas publikimit të lajmit nisën të qarkullojnë shumë thashetheme që tentonin të shpjegonin ndarjen, por as Floriana e as Tedi, nuk dhanë deklarata konkrete.

Megjithatë një ‘adhurues anonim’ i moderators së emisionit “Jo Vetëm Modë”, ka përfituar nga statusi ‘single’ i vajzës së ekranit dhe nuk ka nguruar të shprehë simpatinë ndaj saj. Shkak për të menduar kështu janë bërë shumë buqeta me lule, që mbërritën brenda një dite në Tv Klan, pak ditë më parë. Trëndafilat e bardhë e të kuq kanë qenë pa emër, por e pyetur nga "Panorama Plus", vetë Floriana ka pohuar: "Po, lulet janë për mua, por nuk e di se kush m'i dërgon".
 
Nga ana tjetër, një status i publikuar në Facebook ditën e sotme nga Ersi Ngjela, motra e Tedit, ka hapur vend për të tjera pikëpyetje lidhur me çiftin. "U bëj thirrje 'pabuksëve': boll hëngrët m.. lart e poshtëë me shpifje! Ju lutem vazhdoni 'zanatin' tuaj të vyer, vazhdoni ëndërroni me presh, vazhdoni me burrat dhe baballarët e të tjerëve, por ju lutem, boll hëngrët m.. me shpifje", ka shkruar Ersi, pa ia adresuar ndokujt fjalët e rënda.

Ndjekësit e saj e kanë perceptuar këtë shpërthim si një sulm ndaj Floriana Garos, por vetë Ersi e kontaktuar nga Bluetooth e mohoi diçka të tillë. "Jo, nuk e kam për Florianën! Nuk i referohem asaj". Ajo është treguar kategorike, teksa refuzon të shpjegojë diçka më shumë për ndarjen e tyre, duke thënë se lajme të tilla nuk i shërbejnë familjes së saj.

E në fakt rrallëherë, për të mos thënë asnjëherë nuk na ka qëlluar të shohim Florianën të afërt me Ersin, siç mund të ishte një marrëdhënie mes ‘kunatash’, aq më tepër në fillimiet e një lidhjeje. Thuhet se ndarja mes çiftit nuk ka qenë aq paqësore sa duket në pamje të parë pasi sipas 'gojëve të liga', shkruan suplementi, Tedi dhe Floriana i kanë dhënë fund marrëdhënies disavjeçare dhe bashkëjetesës pas një krize të madhe që zgjati për disa muaj.


Redaksia Online
(m.p/shqiptarja.com)