'Fluturonin' në rrugë me 166 km/h, në 6 orë hiqen 19 patenta, vendosen 62 gjoba në aksin Fier-Vlorë

Në pikun e sezonit turistik policia rrugore ka shtuar kontrollet dhe monitorimin me radar në rrugët e vendit nga veri në jug për personat të cilët 'fluturojnë' me automjetet e tyre duke rrezikuar jetën e tyre dhe të qytetarëve. Në vetëm 6 orë monitorim në aksin interurban Fier-Vlorë, në Bypass, janë hequr 19 patenta për shpejtësi që varionin nga 145 km/h deri në 166 km/h dhe janë vendosur 62 gjoba.

Ndërkohë, gjatë 24 orëve të fundit në të gjithë vendin janë hequr 63 patenta për shpejtësi mbi normat e lejuara dhe për drejtim mjeti nën efektin e alkoolit. Në të gjithë vendin janë arrestuar 11 shtetas, nga këta 6 për drejtim mjetin në gjendje të dehur dhe 5 për drejtim mjeti pa patentë.

Po gjatë 24 orëve të fundit, në të gjithë vendin janë vendosur 1690 gjoba për parakalime të gabuara, për shpejtësi mbi normat e lejuara, për përdorim celulari gjatë drejtimit të mjetit, për mosvendosje të rripit të sigurimit e kaskës mbrojtëse dhe parkime të gabuara që pengojnë lëvizjen e lirë të këmbësorëve dhe automjeteve.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • iustitia: 31/07/2021 17:40

    Te behen publike emrat. Njerezit duhet ta dine nese ata i marrin prape patentat nga policia dhe vazhdojne qarkullojne te pashqetesuar ...

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Autoriteti Palestinez formon kabinetin e ri

Autoriteti Palestinez formon kabinetin e ri