Turizmi dhe Pasuritë e Paluajtshme kanë ndikuar në rritjen e ekonomisë shqiptare me 3.7%, e cila pritet të ngadalësohet me 2 përqind vitin që vjen nga pasojat e Luftës në Ukrainë. Ky është konkluzioni i Bordit Ekzekutiv të Fondit Monetar Ndërkombëtar, i cili përfundoi konsultimin për Shqipërinë.
“Pas një rimëkëmbjeje nga të fortë në vitin 2021, ekonomia shqiptare ka ruajtur një vrull pozitiv pavarësisht tronditjes së ekonomisë globale nga lufta e Rusisë kundër Ukrainës. Rritja reale e PBB-së pritet të arrijë në 3.7 për qind në vitin 2022, si pasojë e aktivitetit të fuqishëm në turizëm, pasuri të paluajtshme dhe shërbime. Rritja pritet të ngadalësohet në rreth 2 përqind në vitin 2023, duke reflektuar kushtet më të shtrënguara financiare, ngadalësimin në Evropë dhe tërheqjen e mbështetjes së politikave”.
Fondi Monetar Ndërkombëtar, ndryshe nga optimizmi i qeverisë për kthimin në objektiv të normës së inflacionit brenda 6 mujorit të dytë të vitit 2023, thekson se inflacioni do të rikthehet në objektivin e BSH-së prej 3 % vetëm në mesin e 2024.
“I nxitur nga çmimet e ushqimeve dhe energjisë, inflacioni është rritur dhe është bërë gjithnjë e më i gjerë. Inflacioni total pritet të arrijë kulmin në muajt e ardhshëm dhe duhet të fillojë të ulet në vitin 2023 përpara se të kthehet në objektivin e bankës qendrore prej 3 për qind nga mesi i vitit 2024, pasi çmimet ndërkombëtare të mallrave stabilizohen, politikat fiskale dhe monetare shtrëngohen dhe rritja ngadalësohet.”
Bordi i FMN shprehet optmistë për uljen e borxhit, që pritet të kapi vlerën e 64% në vitin 2027.
“Borxhi i qeverisë së përgjithshme pritet të bjerë më tej në vetëm nën 70 % të PBB-së në fund të vitit 2022, i ndihmuar nga rritja e vazhdueshme ekonomike dhe një defiçit i pritshëm më i vogël në krahasim me vitin e kaluar. Në mungesë të goditjeve të reja, pritet të mbetet në një rrugë rënëse, duke arritur në rreth 64 për qind të PBB-së në vitin 2027, por nevojat për financim bruto do të mbeten të konsiderueshme”.
FMN sqaron se rritja e mëtejshme e çmimeve të ushqimit dhe energjisë janë rreziku kryesor, veçanërisht nëse ato shkaktojnë trazira sociale. Rreziqet zbuten nga niveli i lartë i rezervave valutore të Shqipërisë. Drejtorët konkluduan se kapaciteti i Shqipërisë për të shlyer fondin është i mjaftueshëm dhe nuk ka nevojë për një zgjatje të Vlerësimit të Pas-Financimit përtej shkurtit 2023.
Lajme të tjera
-
Malaj: Rrisim me 87 milionë euro kuotat në FMN, investim për sigurinë financiare
12 Dhjetor, 18:46 -
Rritja e çmimeve, ekspertja në Report Tv: Produktet bujqësore 11 herë më shtrenjtë se inflacioni! Po prodhojmë pak qumësht, rrushi është bërë luks
10 Dhjetor, 13:36 -
FMN apel Bankës Qendrore: Kujdes me kreditimin e pasurive të paluajtshme! Eksperti: Krizat më të mëdha nisin nga ‘flluskat’ në këtë sektor
7 Dhjetor, 16:19
-
Parapagimi i tatimit nga profesionet e lira, Malaj: Brenda dhjetorit do kthehen shumat e paguara
21 Nëntor, 15:36 -
FMN i kërkon Bankës së Shqipërisë të ruaj regjim të lirë të kursit të këmbimit! Sejko: Familjet e bizneset në gjendje të mirë financiare
14 Nëntor, 14:01 -
Deputetja e PD-së, Jorida Tabaku: Tre arsyet pse produktet ushqimore në Shqipëri janë më të shtrenjta krahasuar me vendet e BE-së
10 Nëntor, 13:00 -
Sejko në Uashington, takim me shefin e FMN-së për Shqipërinë: Inflacioni është në nivelet më të ulëta
26 Tetor, 10:03 -
FMN optimiste: Ekonomia e Shqipërisë rritet me 3.3% këtë vit! Turizmi e ndërtimi ‘motorët’ kryesorë
24 Tetor, 10:17
-
BSH: Kriza e inflacionit i përket së shkuarës! Bizneset pa punonjës edhe pse rritën pagat
15 Gusht, 16:57
-
FMN: Përparoni në reformat për PPP-të! Inflacioni pritet të kthehet në objektivin prej 3%
15 Korrik, 17:23 -
Mete takon shefen e FMN-së: Strategjia Afatmesme e Mbledhjes së të Ardhurave drejt finalizimit! Së shpejti në konsultim publik
12 Korrik, 11:18 -
Rritja e çmimeve mbetet e ulët, inflacioni zbret në 2.1% në qershor
10 Korrik, 07:24
