Monedha vendase ka nisur një javë të mbarë pasi po vërehet forcim i ndjeshëm sot në tregun valutor.

Sipas kursit zyrtar të Bankës së Shqipërisë, një euro po këmbehet sot me 139.98 lekë, duke zbritur nën kufirin e 140 lekëve, ose me 0.17 lekë më pak se e premtja e kaluar. Edhe në bursat ndërkombëtare vërehet rënie e euros.

Rënie shënon dhe monedha amerikane dollari, që po këmbehet me 108.31 lekë, me 0.14 lekë më pak se fundi i javës së kaluar, ndërsa në bursat ndërkombëtare vërehet forcim i tij./ATSH/