Dy vajza të reja janë arrestuar nga Policia e Kryeqytetit.

Ato ishin kthyer në tmerrin e pasagjerëve në urban, por edhe të klientëve në lokale, pasi vidhinin telefona, portofol dhe aksesorë të tjerë. E.L 18 vjeç dhe A.B 18 kryenin vjedhje duke bashkëpunuar me njëra-tjetrën sipas Policisë së Tiranës.

Dy të rejat duke bashkëpunuar me njëra-tjetrën grabisnin të moshuarit apo pasagjerët që ishin të pavëmendshëm.

Gjithashtu ato vidhin në lokale telefonat që ishin në karikim apo portofolat nga xhepat e palltove.

Sipas burimeve nga Policia e Tiranës njëra prej vajzave ruante klinetët dhe pasagjerët, ndërsa tjetra kryente grabitjet. Policia e kryeqytetit thotë se ka arritur të dokumentojë disa prej grabitjeve që kanë bërë dy të rejat E.L dhe A.B

Ndërkohë policia dyshon se vajzat janë autore edhe të disa gjobave, por për këtë çështje vijojnë ende hetimet.

[gallery]21136[/gallery]

Redaksia Online
l.q/Shqiptarja.com