POP 5

Lajmet më të lexuara të 5 minutave të fundit

Kronikë

FOTO/ Zbulohen detajet e planit Basha-Malltezi, ja si donin ta mbushnin me pallate Kodër-Kamzën

Në Planin Urbanistik të vitit 2013, në kohën kur Bashkia e Tiranës drejtohej nga Lulzim Basha, e gjithë zona e Kodër Kamzës parashikohej që të mbushej me komplekse pallatesh dhe qendra tregtare.

FOTO/ Zbulohen detajet e planit Basha-Malltezi, ja si donin ta mbushnin me pallate Kodër-Kamzën

Lulzim Basha dhe Jamarbër Malltezi

Ata që sot protestojnë kundër ndërtimit të shkollës së re “Nënë Tereza”, zonën në Kodër Kamëz e planifikuan për të ndërtuar pallate. Në Planin Urbanistik të vitit 2013, në kohën kur Bashkia e Tiranës drejtohej nga Lulzim Basha, e gjithë zona e Kodër Kamzës parashikohej që të mbushej me komplekse pallatesh dhe qendra tregtare.

Në planin urbanistik të Bashës, i cili kishte marrë më parë pëlqimin dhe miratimin nga vetë Jamarbër Malltezi, duke qenë se dhëndri i Sali Berishës ka bërë vlerësimin e ndikimit në mjedis, e gjithë zona e Kodër Kamzës është shënuar me ngjyrë të verdhë, çka në gjuhën e planifikimit urban do të thotë zonë e përzgjedhur për ndërtime me densitet të lartë, që në fakt i hapte rrugën ndërtimit të godinave shumëkatëshe me qëllim tregtar dhe godina banimi. 

Në planin Basha-Malltezi, e konkretisht në faqen 422, pika 1 dhe 4, përcaktohej se kategoritë e lejuara të përdorimit të tokës dhe strukturave në të janë me prioritet zhvillimi, e përzier dhe miks, që do të thotë: “Shërbime publike dhe banim. Gjatë hartimit të PDV-ve duhet të ruhet raporti mes kategorive të përdorimit. Zhvillime të strukturave të larta për përdorim banim”, thuhet në plan.

Ndërkaq, me planin e ri urbanistik të Bashkisë së Tiranës, zona në fjalë është vendosur me ngjyrë të kuqe, çka në gjuhën e planifikimit urban e përcakton si zonë për ndërtim arsimor. Pikërisht aty Bashkia e Tiranës ka planifikuar të ndërtojë shkollën “Nënë Tereza” për Kodër-Kamzën, që në fakt përmban në vetvete kopësht, parashkollor, shkollë 9 vjeçare dhe gjimnaz për gjithë banorët e zonës.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Rama pret rabinin izraelit në Vlorë: Së shpejti nisim punën për ndërtimin e muzeut hebraik

Rama pret rabinin izraelit në Vlorë: Së shpejti nisim punën për ndërtimin e muzeut hebraik

6 Janar, 23:10