POP 5

Lajmet më të lexuara të 5 minutave të fundit

Kronikë

Frikë se Apeli “vulos” dënimin?! Fredi Beleri “skemë zvarritjeje” me avokatët

Ka dështuar seanca e parë në Apelin e Posaçëm për Fredi Belerin i cili kundërshton dënimin me 2 vite burg, megjithëse Prokurorët e SPAK ishin të pranishëm, ashtu si edhe i pandehuri Pandeli Kokaveshi. Beleri mungoi dhe përmes një deklarate njoftoi se nuk dëshiron të marrë pjesë dhe se akoma nuk ka zgjedhur avokat.

Frikë se Apeli “vulos” dënimin?! Fredi Beleri “skemë zvarritjeje” me avokatët

Fredi Beleri në seancë gjyqësore - Arkiv

Kryetari i zgjedhur i bashkisë së Himarës, Fredi Beleri, mungoi në seancën e parë në Apelin e Posaçëm, ku kërkon pafajësi për dënimin me 2 vite burg

nga Shkalla e Parë, për korrupsion aktiv në zgjedhje. Përmes një deklarate të lexuar në gjykatë, Beleri tha se ende nuk ka zgjedhur avokat për ta mbrojtur në këtë proces.

2 avokatët e parë, Edmond Dema dhe Artjon Kasa hoqën dorë nga mbrojtja, e po ashtu edhe emri i tretë, Geni Gjyzari i cili e përfaqësoi gjatë procesit në GJKKO, i pyetur nga gjykata, deklaroi se nuk do ta mbrojë Belerin në Apel.

Kjo duket një taktikë për të vonuar gjyqin i cili në rast të lënies në fuqi, i jep formë të prerë vendimit, duke e shpallur Belerin zyrtarisht të dënuar dhe shumë larg mundësisë për t’iu rikthyer betejës për bashkinë e Himarës, e cila aktualisht drejtohet nga e komanduara nga këshilli bashkiak, Blerina Bala.

Për të shmangur zvarritjes, edhe në rast se Fredi Beleri nuk paraqet emër tjetër, gjykata i caktoi avokat kryesisht Pranvera Docin.

Të pranishëm në seancën e parë e cila dështoi ishin prokurorët e SPAK edhe i pandehuri Pandeli Kokaveshi, i dënuar me 1 vit e 6 muaj burg, masë që është konvertuar  në shërbim prove për tre vjet. Edhe ndaj tij gjykata caktua avokat nga shteti Arben Pecon, ndërsa seanca u shty për datën 7 qershor.

Fredi Beleri ka pretenduar që nga fillimi i procesit e deri më sot se kjo çështje është politike,

Beleri u arrestua me urdhër të Prokurorisë së Vlorës në orët e para të mëngjesit të 12 majit 2023, vetëm dy ditë përpara zgjedhjeve lokale me akuzën se përmes bashkëpunëtorit, Pandeli Kokaveshi, ofroi 40 mijë lekë për tetë vota. përballë Jorgo Goros i cili kërkonte mandatin e katërt, Beleri nga koalicioni Meta-Berisha, megjithëse i arrestuar, u shpall fitues i zgjedhjeve të 14 majit.

Për zgjedhje të reja apo jo, kryeministri Edi Rama e thënë publikisht, se do të pritet vendimi i Apelit për Belerin.

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Kryeministri maqedonas, takon familjen shqiptare në SHBA: Janë shembull suksesi

Kryeministri maqedonas, takon familjen shqiptare në SHBA: Janë shembull suksesi

23 Janar, 19:09