Më e mira e çështjes është kur thuhet cili ‘ishte’. Për fat të mirë tanimë asnjëri nuk ‘është’. Megjithatë ‘litarin’ e kanë lënë mbi tokë.
Litari mbi pllakën ku shkruhet emri ‘Sali Berisha’, ka dy sense, herë tërheq të gjallët e mbetur për nga skëterra, e herë të gjallët e mbetur tërheqin ta shkulin përfundimisht. Këtu qëndron edhe Amerika në krah të të mbeturve gjallë.
Ndërsa litari mbi pllakën ku shkruhet ‘Enver Hoxha’, ka të vetmin sens që tërhiqet nga naivët, me qëllim që prapa ‘frikës nga Enveri’ të grabisin e rrënojnë të gjallët e mbetur. Edhe këtu ishte Amerika, por vetëm fillimisht, derisa Shqipëria doli nga diktatura; pastaj nuk kishte më punë.
Veçse, në sensin e Amerikës ka një gjë të përbashkët mes ‘dy të këqijave, cili ishte më i keqi”. Ndërsa Amerika e ka shpallur Berishën me familje ‘out!, të padëshiruar’, Enver Hoxha nuk kishte arritur deri në këtë të keqe. As Britania e Madhe s’e kishte bërë, edhe pse me Hoxhën ndau gjyqe të mëdha si për kanalin e Korfuzit dhe floririn.
Ndërsa Sali Berisha mban në gjoks damkën britanike ‘kapo i krimit të organizuar’. Vite më parë, kur ndodhej në pushtet, në Parlamentin Britanik qeveria Berisha ishte thërritur ‘qeveri gangsterësh’.
Tani më thuaj cili ishte më i keq!
Në një gjykim popullor në veri të vendit tonë, dikush ndodhej para dilemës: T’i vinte emër të të vërtetës, apo ta sillte nëpër fjalë? Atë çfarë kishte parë në arat me misër- ta thoshte me një fjalë, apo ç’të bënte? Po ta thoshte me një fjalë, gjykatësi do ta kapte për fjale. Prandaj nisi ta përshkruajë çdo veprim të atij akti, pjesë-pjesë; dhe në fund tha: ‘Tani thojeni ju çfarë ishte!’.
Thojeni ju o njerëz që besuat përrallën e Sali Berishës, sikur ky ‘solli demokraci’ dhe ‘rrëzoi komunizmin’. Në një intervistë, po ky, ka thënë se ‘komunizmin e rrëzova me përkrahjen e Lirisë’. Domethënë ‘gjithë pushtetin e ri për vete dhe për Lirinë’.
Pas përrallës për ‘rrëzimin familjar të komunizmit’, fshehu krimet e kobshme që kreu kundër vendit, kundër njeriut, kundër pronës individuale, kundër pasurisë kombëtare dhe në minimin e demokracisë.
Dhe ka plot nga ata që i besuan. Kjo është më e keqja e dy të tjerave.
Cili ishte më i keq, ai që i ndërtoi veprat industriale dhe hidrocentralet e vendit, apo ky që i shiti për dy lekë në një vend të huaj, për një kompani që në fakt është vetë ky, mafioze dhe skllavëruese ndaj familjeve dhe punëtorëve shqiptarë?.
Sali Berisha ka grabitur pasurinë kombëtare të ndërtuar me djersën e popullit. Sali Berisha ka djegur e shkrumbuar vlerat e ekonomisë dhe kulturës së vendit të ndërtuara nga viti 1945, deri në vitin 1990. Epoka e asaj pune ndërtuese është quajtur edhe ‘epoka e Enverit’.
Atëherë cila qenka epoka më e keqe, ajo që ndërton apo ajo që shkatërron? Cili qenka më i keqi, diktatori që la qindra vepra industriale, energjetike, shkolla, arsim…, etj., i la ditën kur u paketua për në botën tjetër? Apo ky demokrati që ia ‘fali dreqit’ djersën e njeriut, sigurinë e popullit, pasurinë e kombit?
Çfarë i fali dreqit, atë e mori dreqi; pjesën më të madhe e futi në grykën e familjes së vet dhe të miqve që i duhen për ditën më të keqe se sot. Deri tani kishte bërë hesap që me pasurinë e grabitur, një ditë ta shtypte këtë popull si mizat dhe në krye të tij të vinte thundrën Argita-Shkëlzenin.
Vetëm ditët e fundit doli në dritë grabitja e katër hidrocentraleve të ndërtuara në vendin tonë, nga viti 1951 deri në vitin 1960: Dy hidrocentrale në Ulzë, dy hidrocentrale në Bistricë, (Prit se nuk keni parë gjë akoma, sa grabitje të mëdha janë kryer, që nga paratë në piramida).
Të katër hidrocentralet e kishin zhbërë natën dhe ndriçuar të nesërmen e vendit; para këtyre edhe vetë kryeqyteti bënte dritë me kandil. Kompania KURUM, ku Berisha vari zhgunin e tij, ka paguar, për gjithë pasurinë e përvetësuar, aq vlerë sa Saliu e Shkëlzeni paguajnë për gjyqet e një viti.
Ai që ua la pasurinë në dorë, ishte i keq pse ia la këtij. Por a ishte më i keq se ky që e futi djersën e popullit në grykën e tij!
Në fakt, Enveri ishte një idhull për Sali Berishën, pasurinë ky e mori me ‘votën e popullit’, s’ka pse shfajësohet populli.
Atëherë malësori i Veriut do të bënte pyetjen ekzistencialiste:
“Ua tregova një për një çfarë ndodhi…, tani thuajeni ju si e ka emrin kjo punë”. Se ndotën dynjanë ata që thonë se ‘ky Berisha nuk qenka më i keq se ai!’.
Deri më sot ishte anatemë e vërteta se Berisha ia kalon të keqes së Enverit mijëra herë.
Komente
Lajme të tjera
-
GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për hetim, Berisha nuk prish më provat! Gazetari: Bien akuzat e PD për kapje të drejtësisë
27 Nëntor, 21:39 -
Spahiu: Dyshoj se për 10 vjet, nuk ka gjykatë që guxon të dënojë Berishën dhe Ramën
27 Nëntor, 21:15 -
Elezi në Report Tv: Berisha nga Partia Komuniste, dështoi me protestën! Toska: Fije shprese për mbështetësit
27 Nëntor, 21:11 -
Evi Kokalari reagon për lirimin e Berishës: Mos u gëzoni kot, s’ka lidhje administrata e Trump! Më intereson investigimi i kullës së malit, për atë më bënë kurban!
27 Nëntor, 19:10 -
Jakin Marena: Berisha ‘xhiroi bosh’ një vit, rikthim në pikën zero, pa kauza e alibi
27 Nëntor, 19:03
-
Falenderoi gjyqtaren që e liroi, por çfarë thoshte Berisha pak ditë më parë për të
27 Nëntor, 18:33
-
Ylli Pata: Mitet që rrëzoi dhe precedenti që hapi lirimi i Sali Berishës
27 Nëntor, 18:18
-
I dhj….rë , por krenar!
27 Nëntor, 18:05
-
Berisha u lirua nga 'arresti shtëpiak', Haklaj për Report Tv: Bie alibia e tij se drejtësia është e kapur! Anëtarja e FRPD: Vendimi i vonuar, mosbindje civile deri në qeveri teknike
27 Nëntor, 18:01 -
Kreshnik Spahiu: Gjykata e 'Ramës' apo gjykata e pavarur e liroi shtetasin Berisha?
27 Nëntor, 17:00
-
Dritan Hila: Më mirë rrugëve!
27 Nëntor, 15:18
-
Martin Leka: Saliu doli, alibia ra, Rama fërkon duart!
27 Nëntor, 14:51
bej nje artikull per vete pse embeshtesje atehre kur te tjeret ihoshin keto qe thua ti sot
PërgjigjuRespekt pēr Emigrantin dhe Gjergjin shum bukur jan pērgjigjur e shum sagt. Tē till njerēz i duhen Shqipris si Emigranti e Gjergji jo Frok Çupa kaçupa deri dje i thurnin lavde kriminelit hajdut Sali Bajgēs me shok kurse sot jan bēr Kritik automatik.
PërgjigjuCilit Frrok Çupi ti besojmè? Atij tè RD, me lavde dhe hosana pèr kryetarin komunist "antikomunist" apo kètij tè sotmit qè numèron hidrocentralet e vjedhura nga Saliu dhe tè tijèt? Thuaje vetè o Frrok dhe mos prit tè ta thonè tè tjerèt,,,thuaje qè EDHE UNÈ ISHA PJESÈ E KORRIT TÈ ZHABAVE KLEPTOMANE, qè nè vènd tè thonim rroftè Shqipèria,,,thonim rroftè Saliu. Thuaje qè NE E BÈMÈ KOMUNISTIN "KRYETAR DEMOKRATÈSH". Mos u mundo tè na sqarosh pèr se kush ishte mè i keq,,Saliu apo Enveri. Nèse vèrtetè do pèrgjigje pèr kètè pyetje,,ja ta them unè. Pèr tè dy,,flasin shifrat vetè. Mè 1944,,Shqipèria kishte 90% analfabetizèm dhe dritè qiriu. Se çfarè u arrit nèn drejtimin e tij, e di historia tani. Fèmijèt e Enverit nuk janè as milarderè dhe as milionerè, e shoqja e tij vdiq si e pastrehè. Saliu??? Gjeni diçiturèn. Ah po,,,,pashaportizim,,,kishte Enveri po ashtu,,,,,GJÈJA MÈ SHTETMBROJTÈSE QÈ KA PARÈ KJO SHQIPÈRI. I mbante Salinjtè jashtè ai Frrok,,sepse siç duket i njihte mirè se çfarè janè nè gjèndje tè bèjnè.!!!
PërgjigjuO frok si mund te krahasosh driten me erresiren Ishte enveri qe zhduku anafalbetizmi kurse salua edhe ato shkolla neper fshatra me te thella i mbylli Enveri e gjeti nga hici dhe beri dicka qe sishte par ndonjehere Kurse salua i shkaterroi dhe vodhi te gjitha Tani shih paurin e zenit dhe gites Dhe shih sa pasuri kane iliri sokoli dhe pranvera pastaj bej krahasimin kush ishte me i mire
PërgjigjuBRAVO ...NUK I HEQ ASNJE PRESJE KOMENTIT TUAJ
O Frok Çupi ke plotēsisht tē drejt por popull mē IDJOT se Shqiptari se gjen nē Bot. Tē gjith e dinin qē qeni bastard Sali Bajga ishte sekretar partie pse e votuan e pse e lan nē krye tē vēndit. E Sali Bajga hajdut kriminel shum , shum , shum mir ju a bēri DEBILVE.
Përgjigju