POP 5

Lajmet më të lexuara të 5 minutave të fundit

Opinion

Frrok Çupi: Fantazma e një partie të vetme po vjen rrotull

Në fakt, këtu po konsolidohet teoria politike se edhe me një parti të vetme ushtrohet dhe zbatohet demokracia. Eksperienca e demokracisë para- politike e popullit tonë e ka provuar me sukses, madje për periudha të rëndësishme të historisë së vet.

Frrok Çupi: Fantazma e një partie të vetme po vjen rrotull

Grupi parlamentar i Partisë Socialiste

Nuk është se në një vend me një parti të vetme ‘nuk paska demokraci’; kjo praktikë është e njohur botërisht. Tani duket qartë se skena e njohur do të luhet në vendin tonë. Partia Socialiste, pak nga pak, po e lëshon kuptimin e ngushtë ‘partia’ dhe po kthehet në maxhorancë qytetare e politike. Partitë politike, rreth saj, kanë nisur të punojnë ‘si bleta’ nën pemën e Partisë Socialiste. Eksperienca zjarrvënëse e partive, veçanërisht shuma e pjesëve të mbetura të Partisë Demokratike, u kthye në filozofinë reale konfuciane: “Sa më keq- aq më mirë!’. Bënë sa bënë të keqen…Një ditë i harxhuan ligësitë, bombat, mosbindjet, bojkotet, flakadanët, budallallëkun…, notuan në ujëra të cekëta dhe tani mbetën në zall. Pjesën e kohës kur askush nuk po u thoshte me nerv ‘heej!, çfarë bëni kështu se do t’u ndalojmë’, ata e perceptuan si ‘fitore’. As maxhoranca politike, as qytetarët, as nxënësit e shkollave…, askush nuk desh t’ia dinte çfarë bënin ata. Shtetet e Bashkuara, si aleati i madh i kombit, nuk desh t’ia dinte më, as i interesonte.

-Tani të merremi vesh; e bëtë atë që deshët? Ejani të bëni ndonjë punë të vlefshme!

Kështu duket si i bindi Partia Socialiste, si një mama dhe kujdestare e mirë e këtyre copëzave partie. Dje nisi afrimi për ‘kah shtëpia’ e partive, ca ‘PD’, ca ‘Rithemelimi’ (si të thuash ‘Shtetrrethimi’), ca si Faltore e ca si ballkonada. Në fakt vetëm kaq ka ndodhur dje kur maxhoranca thërriti në tryezë pjesëzat e mbetura të politikës së partive. Të gjithë do të marrin pjesë në një ‘Parlament funksional’ dhe jo në një tymnajë zjarrvënësish. Me siguri, me këtë rast, do të miratohen disa iniciativa ligjvënëse, do të dalin ca qindra a mijëra nga burgjet dhe do të hapet vend për ca më të mallkuar, do të kënaqen partitë me ligjin zgjedhor… dhe kjo është e tëra. Në  fund të ditës, partia qeverisëse do të ketë bërë punët për ‘shtëpinë’, domethënë ato që i duhen vendit. Mandatin tjetër, siç duket qartë, Partia Socialiste do të ketë më shumë se shumë vende në Parlament. Në fakt, këtu po konsolidohet teoria politike se edhe me një parti të vetme ushtrohet dhe zbatohet demokracia. Eksperienca e demokracisë para- politike e popullit tonë e ka provuar me sukses, madje për periudha të rëndësishme të historisë së vet.

Çfarë ndodhi vallë, si u zbutën të gjithë njëherësh?

Nuk ka ndodhur ‘zbutja’, ka ndodhur ëndrra. Të gjitha pjesët e ndara po shikojnë ëndrrën e tyre, por ‘pa u habitur’, siç shkruan Erich From. Pjesa zyrtare e PD po frikësohet si në një ëndërr me ardhje të barbarëve; ata mendojnë se ‘Ri- shtetrrethimi’, ‘Faltorja’, ‘Poshtë- Ballkonorja’, e mesmja dhe e skajshmja…, po vijnë t’i zënë vendin. E gjithë energjia- të ruajnë domenet. Pjesa e sapo ardhur nga Amerika, që strehohen ‘poshtë ballkonit’ menjëherë sapo kthehen nga Uashingtoni, përplasen me njëri tjetrin dhe me atë që rri në katin e tetë. Njëri tjetrin po e quajnë tradhtar, ndërsa atë në ballkon po e mohojnë: ‘O ti, o ne… ik tani!’.

Ai që rri në ballkon shikon ëndrrën e tij:

Ai është i arrestuar në katin e tetë, por shpreson se me këtë rast ‘shokët do ta shpëtojnë’. Ka dy ditë që ka rënë ‘squkë’ dhe i lë shteg thashethemeve se i ka vërshëllyer kryeministrit që nga kati i tetë dhe ka lidhur aleancë për një ‘lirim nga arresti’. Mulin që e kishte ‘fajkua’ e ka tërhequr, edhe mund ta ‘vrasë’ sepse tani i prish punë. Këta të gjithë po shikojnë ëndrrën e tyre, por ndërkohë po bëjnë ca punë për ‘shtëpinë’. Mbledhin shkarpa, lidhin qentë, ushqejnë pulat, riparojnë një gardh, neutralizojnë njëri tjetrin që të mos ndezin flakadanë… Dhe më në fund të votojnë ligjet që i duhen vendit. Kaq është boll.

G.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • E. v: 13/03/2024 10:41

    Frroki, juve demoka... Ju besuan njerezit qe prej 1992, p0r ce do nje pjese e juaja qene komuniste, spiune te sigurimit, vjedhes pasurishe te shqiptareve autoktone, vrases,... Etj. Kjo I dha mundesine njerit si Rama, Veliaj, Meta te ngrihen ku Jane sot, Duke thene qe "Ne nuk po bejme asgje sepse Saliu ka bere me keq". Edhe ti mos bej si I pafajshem sepse ke qene pjese e domoka... Shqipnia Pati shume te rinj qe do beni per vendin e vet, por ju I sollte ne ate Pike qe I larguat sebashku me ramiz aline dhe edi ramen. Sigurisht Ata nuk ishin te ndyre, hajdutet pasurishe, vrases, tregtare njerezish ne dete, shkaterrues"privatizues "fabrikash e uzinash, kooperativash e nderrmarjesh bujqesore, mjere shqiptaret c'humben sepse edhe nji si Enver Hoxha e Kompani duket me I pafajshem se ju pjellat e kohes se tij. Me ligji 7501 Duke vjedhur shqipnin e mesme, ju I keni shit greqi se jugu. Thoni shyqyr qe keni ne veri Kosove se Shkodres do e kishin marre serbet. Keto jeni ju demoka... se bashku me ramen.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Finlanda heton dëmin shkaktuar kabllove nënujore elektrike me Estoninë

Finlanda heton dëmin shkaktuar kabllove nënujore elektrike me Estoninë

25 Dhjetor, 21:59