POP 5

Lajmet më të lexuara të 5 minutave të fundit

Politikë

Futen në grup të përjashtuarit e PD, Kuvendi lë jashtë Berishën! Bardhi i paqartë: Grupi është i bashkuar prej 5 shtatorit

Edhe pse kanë kaluar gati një javë që kur Gazment Bardhi njoftoi Kuvendin se të përjashtuarit nga grupi parlamentar i PD ishin ‘falur’ dhe duhet të rikthehen në faqen zyrtare të Kuvendit grupi është bashkuar, përveç një emri, Sali Berishës. I pyetur për këtë Bardhi nuk ka dhënë një përgjigje të qartë, ndërsa nuk e ka deklaruar nëse Berisha është mes atyre që ai kërkoi rikthimin në grup.

Pavarësisht shkresës së Gazment Bardhit, që u pa si vendim për të futur zyrtarisht në grupin parlamentar të PD Sali Berishën, ish kryeministri ngelet sërish jashtë grupit demokrat të ligjvënësve.

Kuvendi ka reflektuar vendimin e Bardhit, duke kthyer të gjithë të përjashtuarit në grupin parlamentar të PD, sikurse tregohet në faqen zyrtare, por jo Sali Berishën që zyrtarisht figuron deputet i pavarur.

1713195668_deputeteteperjashtuar.jpg

Pasqyrimi në faqen e Kuvendit

Vetë Bardhi la të paqartë nëse kishte kërkuar edhe përfshirjen e Sali Berishës në grup, por tha se deputetët, përfshirë Berishën janë bashkuar që në shtator. 

‘Unë do ti qëndroj arsyes pse kam dalë të ju komunikimi i grupit parlamentar është i qartë, besoj se është një çështje e tejkaluar problematika brenda PD-së. Çdo tentativë për të zhvendosur vëmendje nga tema që janë në inertes të qytetarëve për të rikthyer vëmendjen tek përçarja nuk do të marrë vëmendje tonë,. Grupi i PD-së është bashkuar që në 5 shtator 2023.’- tha Bardhi

Sali Berisha u la jashtë grupit parlamentar të PD në nisje të legjislaturës nga Lulzim Basha me vendimin e 9 shtatorit që e përjashtonte nga grupi pas shpalljes së tij non grata nga Shtetet e Bashkuara të Amerikës.

Prej asaj kohe, Berisha nisi luftën brenda PD së duke e çuar partinë në ndarjen më të thellë të saj.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça