Gafa e kandidatit Kristjan-Demokrat, bën publike votën padashje

Fshehtësia e votës, është një nga parimet më të forta të demokracisë por Armin Laschet, lideri i CDU, i cili shpreson ta pasojë Angela Merkel pa dashje zbuloi se për kë votoi të dielën. Rregullat zgjedhore thonë se fletët e votimit duhet të palosen në mënyrë të tillë që të mos jetë e mundur të shihet se si votoi personi.

Por Laschet nuk e palosi siç duhet fletën e tij të votimit dhe dy kryqet që çdo votues gjerman duhet të vendosë mbi të, ishin të dukshme kur e vendosi në kuti. 

Komisioni Federal i Zgjedhjeve tha në Twitter se votimi "është i vlefshëm".

Sondazhet tregojnë se partia e Laschet po shkon kokë më kokë me Social Demokratët e qendrës së majtë pas një fushate të trazuar. Laschet, President i Nordrhein-Westfalen, ka kryer një sërë gabimesh që i kushtuan shtrenjtë për sa i përket popullaritetit gjatë fushatës.

Më e dëmshmja ishte kur ai u filmua duke qeshur ndërsa Presidenti Frank-Walter Steinmeier mbajti një fjalim në një rajon të shkatërruar nga përmbytjet shkatërruese në korrik, të cilat çuan në vdekjen e 190 njerëzve.

 


Lajmi kryesor:

Mbyllet votimi në Gjermani, pjesëmarrje më e lartë se në 2017! CDU/CSU dhe SPD 'kokë më kokë'! Kandidati i partisë së Merkel: E dinim që gara do të ishte e ngushtë! Scholz: Le të presim


S.M./Shqiptarja.com
  • Sondazhi i ditës:

    Ju duket e drejtë që studentët e pavaksinuar të humbasin vitin akademik?



×

Lajmi i fundit

John

Vaksina e gripit dhe ajo e COVID mund të bëhen në një kohë, mjekja: Grupet e riskut duhet ta kryejnë vaksinën e gripit