Dje në seancë plenare mazhoranca nuk miratoi mocionin e opozitës për papajtueshmërinë e mandatit të deputetes dhe ministres Olta Xhacka. Në seancë plenare në votimin e raporteve të Këshillit të Mandateve u vu re se nga grupimi i drejtuar nga Sali Berisha ishin të pranishëm vetëm 2 deputetë Agron Shehaj dhe Isuf Cela. Sot në mëngjes deputeti Agron Shehaj deklaroi se ka dorëzuar në Gjykatën Kushtetuese kërkesën lidhur me mandatin e deputetes Olta Xhacka.
Nga kërkesa e shpërndarë për median nga zyra e shtypit, konstatohet një gafë e rendë, që e bën të pashqyrtueshme kërkesën. Mesa duket mungesa në seancë ka bërë që deputetët e Berishës të mos kuptojnë se çfarë ka miratuar apo rrëzuar dje në orët e vona Kuvendi.
Në kërkesën e firmosur nga 28 deputetë, kërkohet “kundërshtimi i vendimit të datës 17.11.2022 “Për mosdergimin në Gjykatën Kushtetuese të çështjes për konstatimin e papajtueshmërisë me detyrën e deputetit të znj. Olta Xhacka” dhe konstatimin e antikushtetutshëmrisë së këtij vendimi”. Në fakt Kuvendi dje nuk ka marrë asnjë vendim të tillë. Pra vendimi i pretenduar nga grupimi i Berishës se po kundërshtohet në Gjykatën Kushtetuese nuk ekziston.
Kuvendi dje lidhur me çështjen e mandatit të Olta Xhackës ka votuar dy vendimi:
1. “Për mosmiratimin e raportit të pakicës në Këshillin e Rregullores, Mandateve dhe Imunitetit për kërkesën mbi ndjekjen e procedurës parlamentare për konstatimin e pavlefshmërisë dhe mbarimit të mandatit të deputetes znj. Olta Xhacka”.
2. “Për miratimin e raportit të mazhorancës në Këshillin e Rregullores, Mandateve dhe Imunitetit për kërkesën mbi ndjekjen e procedurës parlamentare për konstatimin e pavlefshmërisë dhe mbarimit të mandatit të deputetes znj. Olta Xhacka”.
Në kërkesën e grupimit të Berishës kërkohet edhe “konstatimi i papajtueshmërisë në ushtrimin e mandatit të deputetes Olta Xhacka”. Edhe kjo kërkesë është një gafë, sepse 28 deputetët nuk legjitimohen për t’ju drejtuar Gjykatës Kushtetuese për këtë çështje. Në vendimin e saj për interpretimin përfundimtar të nenit 70 të Kushtetutës, Gjykata Kushtetuese me vendimin nr. 7, datë 24.02.2016 është shprehur se “12. Në përfundim, Gjykata vlerëson se kërkuesi, një e pesta e deputetëve, si një nga subjektet e parashikuara në nenin 134 të Kushtetutës, nuk legjitimohet t`i drejtohet drejtpërdrejt Gjykatës për të kërkuar konstatimin e papajtueshmërisë në ushtrimin e mandatit të deputetit. Në të tilla raste, në pajtim me pikën 4 të nenit 70 të Kushtetutës, Gjykata mund të vihet në lëvizje vetëm me vendim të Kuvendit.”. Bazuar në këtë vendim dhe në praktikën e Gjykatës Kushtetuese në rastet e ish-deputetëve Koco Kokëdhima, Rakip Suli apo Valentina Leskaj, vetëm firmëtarët e mocionit të depozituar në Kuvend (1/10 e deputetëve) mund ti drejtohen Gjykatës Kushtetuese në rastet kur Kuvendi nuk e dërgon çështjen për shqyrtim.
Ky është rasti i dytë brenda javës, ku grupimi i drejtuar nga Sali Berisha i drejtohet Gjykatës Kushtetuese me kërkesa që përmbajnë gafa të rënda. Më herët Shqiptarja.com zbardhi mashtrimin me kërkesën e pretenduar për dërgimin në Gjykatën Kushtetuese të aferës së Portit të Durrësit. Në fakt, grupimi i drejtuar nga Sali Berisha i ishte drejtuar Gjykatës Kushtetuese për shfuqizimin e një marrëveshje ndërkombëtare të ratifikuar nga Parlamenti në 2020. Mirëpo, sipas Kushtetutës, marrëveshjet ndërkombëtare mund të dërgohen për kontroll në Gjykatën Kushtetuese vetëm përpara ratifikimit të tyre nga Parlamenti.
Lajme të tjera
-
Po tani, ka drejtësi zoti Berisha ?
27 Nëntor, 22:37
-
GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për hetim, Berisha nuk prish më provat! Gazetari: Bien akuzat e PD për kapje të drejtësisë
27 Nëntor, 21:39 -
Spahiu: Dyshoj se për 10 vjet, nuk ka gjykatë që guxon të dënojë Berishën dhe Ramën
27 Nëntor, 21:15 -
Elezi në Report Tv: Berisha nga Partia Komuniste, dështoi me protestën! Toska: Fije shprese për mbështetësit
27 Nëntor, 21:11 -
Policia procedoi 17 deputetë për protestën, Korreshi: Lani sqetullat se na helmuat, e nuk hamë dot përshesh
27 Nëntor, 20:05 -
Evi Kokalari reagon për lirimin e Berishës: Mos u gëzoni kot, s’ka lidhje administrata e Trump! Më intereson investigimi i kullës së malit, për atë më bënë kurban!
27 Nëntor, 19:10 -
Jakin Marena: Berisha ‘xhiroi bosh’ një vit, rikthim në pikën zero, pa kauza e alibi
27 Nëntor, 19:03
-
Falenderoi gjyqtaren që e liroi, por çfarë thoshte Berisha pak ditë më parë për të
27 Nëntor, 18:33
-
Ylli Pata: Mitet që rrëzoi dhe precedenti që hapi lirimi i Sali Berishës
27 Nëntor, 18:18
-
I dhj….rë , por krenar!
27 Nëntor, 18:05
-
Berisha u lirua nga 'arresti shtëpiak', Haklaj për Report Tv: Bie alibia e tij se drejtësia është e kapur! Anëtarja e FRPD: Vendimi i vonuar, mosbindje civile deri në qeveri teknike
27 Nëntor, 18:01 -
Kreshnik Spahiu: Gjykata e 'Ramës' apo gjykata e pavarur e liroi shtetasin Berisha?
27 Nëntor, 17:00
